كومپيۇتېر ھەۋەسكارلىرى چەكلىك شىركىتى بۈگۈن 2012 – يىللىق 10 نادىر بىلوگنىڭ تىزىملىكىنى ئېلان قىلدى. بىرھون 3 – بولۇش شەرىپىگە ئېرىشىپتۇ. شۇ مۇناسىۋەت بىلەن بۇ پائالىيەتنى ئورۇنلاشتۇرغان كومپيۇتېر ھەۋەسكارلىرى چەكلىك شىركىتى ۋە بىزنى قوللاپ بەرگەن تورداشلارغا رەھمەت!
2012 – يىللىق 10 نادىر بىلوگنى بۇ يەردىن كۆرۈڭ

ئەسكەرتىش: بۇ كىتاب پەقەت تەتقىقاتچىلار، مۇناسىۋەتلىك كەسىپتىكى ئوقۇغچىلارغىلا ئېلخەت ئارقىلىق ئەۋەتىپ بېرىلىدۇ.
كىتاب ئىسمى: تۈركىي تىللار دىۋانى
مەھمۇد كاشغەرىي يازغان ئەسلى قوليازما
ئاپتورى: مەھمۇد كاشغەرىي (قاراخان ئېمپىرىيەسى)
كاتىپ: نامەلۇم (سۈرىيە)
كىتاب كۆچۈرۈلگەن ئورۇن: باغدات
يېزىلغان ۋاقىت: 1074 – يىلى
كىتابنى بايقىغۇچى: ئەلى ئەمرە (تۈركىيە)
سۈرەتلەرنى تەمىنلىگۈچى: ئىستانبۇل مىللى ئەليازما
كىتاب ساقلىنىۋاتقان ئورۇن: ئىستانبۇل
كىتابنىڭ بىر قىسىم بەتلىرىنى ۋە تەپسىلىي ئۇچۇرلىرىنى بۇ يەردىن كۆرۈپ بېقىڭ
چۈشۈرۈش ئورنى »

ئەسسالامۇ ئەلەيكۇم، يېقىندىن بۇيان بىرھوننىڭ يېڭىلىنىش چاستۇتىسىنى تۆۋەنلەپ قالغاندەك ھېس قىلغانسىز، ئەلۋەتتە، بىزنىڭ بۇر توربەتتىن باشقا قىلىدىغان ئىشلىرىمىز بار، شۇڭا يېقىنقى بىر مەزگىل ئىچىدە ماتېرىيال كۆپەيمىدى. ئەمما تەييارلىنىۋاتقان «لېيىغان بۇلاق» يەتتە قىسىم؛ 1920 – يىللاردىن 1950 – يىللارغىچە موسكۋا، قازان، تاشكەنت، ئالما-ئاتا قاتارلىق جايلاردا نەشىر قىلىنغان 100 پارچە ئۇيغۇرچە رومان ۋە باشقا نۇرغۇنلىغان نادىر كونا كىتابلار پات يېقىندا تورداشلارغا بىر – بىرلەپ سۇنىلىدۇ. بىرھوننى داۋاملىق قوللىغىنىڭلارغا رەھمەت. قانچە كۆپ زىيارەت قىلسىڭىز، بىزنى شۇنچە ياخشى قوللىغان بولىسىز.

تەتقىقاتچىلار، ئىزدەنگۈچىلەر ۋە بارلىق كىشىلەرگە:
بىرھون تورى ئۇيغۇرچە ماقالە ئامبىرى قۇرماقچى. ئۆز كەسپىڭىز (ساھەيڭىز)دە، ئۆزىڭىز يازغان ماقالىنى بىزگە ئەۋەتسىڭىز، بىرھون ماقالە ئامبىرىغا قوشۇپ، مەزكۇر توربەتتە ئېلان قىلىمىز. بۇ ئارقىلىق ماقالىڭىزنى تېخىمۇ كۆپ كىشى ئوقۇپ، تېخىمۇ كەڭ ئېتىراپ قىلىشقا ئېرىشەلىشىڭىز مۇمكىن. بىرھون ئامبىرىدىكى ماتېرىياللار Google، مىكروسوفت ۋە بەيدۇ شىركىتىنىڭ بوشلۇقىغا يۈكلەنگەن بولۇپ، IT ساھەسىدىكى بۇ ئۈچ كاتتىباشنىڭ ھۆججەت ساقلاش مۇلازىمىتى بىرقەدەر ئىشەنچىلىك ۋە ئۇزۇن مۇددەتلىك. سىز بىرھون ماقالە ئامبىرىغا ماقالىڭىزنى قوشۇش ئارقىلىق، ئىلىم – پەن ساھەسىدە قازانغان نەتىجىلىرىڭىزنى ھەممىگە ئۇقتۇرالايسىز، كېيىنكىلەرنىڭ پايدىلىنىشى ئۈچۈن تۆھپە قوشىسىز. سىز پەقەت ماقالىنىڭ ئەسلى تېكست ھۆججىتى ياكى رەسىمگە تارتىلغان نۇسخىسىنى ئەۋەتسىڭىز، چىرايلىق PDF نۇسخىسىنى ئۆزىمىز ياساپ چىقىرىپ قويىمىز.
شەرتلەر:
ماقالە چوقۇم ئۆزىڭىزنىڭ بولۇشى كېرەك.
ھەرقانداق بىر ژۇرنالدا ئېلان قىلىنغان بولۇشى كېرەك (ئوقۇغۇچىلارنىڭ تاپشۇرۇق ماقالىسىگە پىروففېسسور تەكشۈرۈپ نومۇر قويغان بولسا، ئېلان قىلىنمىغان بولسىمۇ بولىدۇ).
ماقالە بىلەن بىرلىكتە ئاپتور نامى، ماقالە نومۇرى، ژۇرنال ئۇچۇرلىرى تەمىنلىنىشى كېرەك. (ئوقۇغۇچىلارنىڭ تاپشۇرۇق ماقالىسىگە ئىمزا قويغان پىروففېسسورنىڭ نامى – شەرىپى تەمىنلىنىشى كېرەك.)
ماقالىنى تۆۋەندىكى ئېلخەتكە ئەۋەتىڭ:

ئۇزۇندىن بۇيان بىرھون تورى ئۈچۈن مىكرو بىلوگ ئېچىش خىيالىمىز بار ئىدى، ئەمما سۇپىلار يارىماي كەلگەن. يېقىندا قايتا ئېچىلغان قارۇلۇق مىكرو بىلوگى – گۈدۈكنى ياقتۇردۇق. شۇڭا بۇندىن كېيىن ئەڭ يېڭى كىتاب ئۇچۇرلىرى گۈدۈكتە دەل ۋاقتىدا يېڭىلىنىدۇ. بىرھون بىلەن ماس قەدەمدە تۇرۇش ئۈچۈن گۈدۈكتە بىزگە ئەگىشىڭ.
بىزنىڭ گۈدۈك: http://guduk.com/birhon