ئايلىق ئارخىپلار: 2011-يىل 07

[مۇڭ] كىشىلەرنىڭ چۈشى

بىر مۇڭ

ئۈلۈشكەن كەچ بىر چۈش كۆرۈپتىمەن. چۈشۈمدە مەن ئۈچۈن ئەڭ قەدىردان كىشى قايتىپ كەپتۇدەك. كۆڭلۈم شۇنداق خۇشال، ھىسلىرىم ئەركىن، كۆرگەن كىتابلىرىم شۇنداق ئۈنۈملۈك. ھاياجانلاماي تۇرالمىدىم، ئەلۋەتتە. ئەزەلدىن ھاياجانلىنىشقا ئامراق مەن بۇ قىتىممۇ شۇنداق خۇشخۇي، يىنىك بولۇپ كەتتىمكى، ھىجرەت يولىنى تالللىمىغان بولسام ھازىرلا ئۇچۇپ كەتكىم كەلدى، لىكىن شۇ جاپانىڭ كەينىدىكى ئاسايىشلىق تۇرمۇشۇمنى خىيال قىلىپ يەنە ئۆزۈمنى بېسىپ كىتابىمنى كۆردۈم….

ئەپسۇس، ئادەم چۈش كۆرۈدىكەن، ئويغانمىسا بولىدىكەن، ئويغىنىپ كىتىدىغان شىرىن چۈشنى كۆرمەيلا قويسا بولغۇدەك…چۈشنىڭ ئىچىدىكى چۈشتە ياشاۋەرسە مۇۋاپىقكەن. مىنىڭ خەنچە تور نامىممۇ 梦中的梦中…. ئۇلاپلا يۈز بەرگەن ئىككى ئىش مىنى چۈشتىن ئويغۇتۇپ رىئاللىققا قايتۇرۇپ كەلدى.

تۈنۈگۈن ۋوگىزالغا شىنجاڭغا قايتىقان بىر ئۇستازنى ئۇزۇتۇپ چىققان. ياناشىمدا مۇشۇ ئاينىڭ 22-كۈنىگە ئۈرۈمچىگە ئۈلگۈرىدىغان پويىز بىلىتى تاپالماي تازا غەش بولۇپ ھايانكەشلەرنى ساقلاپ تۇراتتىم. ئەتراپىمدا قاغىدەك ئادەم، ھەممىسى بىلەت ئىزدەۋاتقان «بىچارە» لەر. كادىر سۈپەتلەر، ياشانغان بۇۋاي-مومايلار، ياش يىگىتلەر، نازىنىن قىزلار… ھەرخىل ئادەملەر باركى بار. بىچارە دېمەسلىككە ھەددىم يوق،  يىمەي-ئىچمەي پۇل يىغىپ ئاخىردا يۇرت-ماكانىغا بىر قايتاي دېسە بىلەتنىمۇ جايلاپ ئالالماي، ھايانكەشلەرگە كامىدا 300سوم، يۇقىرىسى بىرەر مىڭ سومچە پايدا بېرىپ ئاندىن قىستاڭ پويىزغا چىقىش «شاراپىتىگە» ئىرىشىدىكەن. بۇ يەردە ئوغرى يانجۇقچىغا پۇلنى ئالدۇرۇپ يىغلاۋاتقانلار، ئاللا كىملەردىن رەنجىپ نىشانسىز غەزەنلىنىۋاتقانلار، ھايانكەشلەرگە نەچچە ئون سوم ئۈچۈن بويۇن قىسىۋاتقانلار، غالىپلارچە گىدىيىپ تۇرغانلار…ھەممىسى باركەن. خۇددى ھەممىسى چۈش كۆرۈۋاتقاندەك، بەزىلىرى مۇشۇ شىرىن چۈشىدىن ئويغىنىپ كەتمەسلىكنى تىلىسە، يەنە بەزىلىرى گۈزەل تاڭ قوياشىنىڭ تىزراق كىلىپ بۇ قاباھەتتىن تىزراق ئويىغىنىشقا ئۇرۇنۋاتقاندەك بىر تۇيغۇ بىرىدىكەن…

مەنمۇ 310 سوملۇق بىلەتنى 500 سومغا ئالالماي ئاچچىق بىلەن قاتاردا تۇردۇم. ئۆزۈمنىڭ كىتابنى كۆرۈپ تۇرسام قاياقلاردىن ناھايتى قىرى بىر تىلەمچى موماي كىلىپ قولىنى تەڭلەپ تۇرىدۇ. ئەتراپىمغا قارىسام ھەممىنىڭ كۆزى مەن 老外دە. نەخ دېدىم ئىچىمدە. بايا تېخى ھىلىقى ئاكاش «ئۇكام بالىلار ئۈستىگە خەت يېزىپ يۇغلىغان تەڭگە پۇللاركەن، ئالدىراپ بىر يەرگە سالماپتۇق. رەنجىمەي ئۇچۇرغان ئاجىزلارغا بىرىۋىتەرلا…» دەپ بىر كىچىك بولاقچىدا ئىككى سىقىمچە تەڭگە پۇل بەرگەن. مەن قولۇمنى يانجۇققا بىرلا سېلىپ بىر سىقىم ئالدىمدە ھىلىقى مومايغا ئۇزاتتىم. ئۇياق قولۇمدىن ئېلىپ ئالدىمدىلا ساناشقا باشلىدى. مەن ئالدى كەينىمگە قارىسام ھەممە خەق ماڭا قاراۋىتىپتۇ. ئادەمدە يۈز بولمىسا ھايۋانچىلىك بولالمايدىكەن دېدىممەن… ھىلىقى قىرى مەن بەرگەن پۇلنى تولۇق ساناپ بولۇپ مىنىڭ قولۇمغا قايتۇرۇپ بىرىۋاتىدۇ…قارىسام سىنىتلىق تەڭگىلەر كۆپكەن، پەمىمچە 1سوم نىڭ ئالدى كەينىدە ئىدى. ئەتراپىمدىكىلەر بىر تاماشىنى پەملىدىمۇ مەسخىرەلىك قاراشلار ماڭا تىكىلگەندەك تۇيغۇ بولدى. نىمە ئەلەم، نىمە نۇمۇس ھە. سەندەك قىرىغا پۇل بېرىپ بۇ يەردە تاماششا قويغۇچە تاشلىۋەتسەمچۇ بۇ پۇلنى دەپلا بىر ئېتىپ پۈتۈن زالغا چېچىۋەتتىم. شۇنىڭ بىلەن ئۇ قىرىمۇ يۈرۈپ كەتتى. ماڭا قاراۋاتقانلارمۇ نەزەرىنى بۇراپ گەپ-سۆز قىلمىدى. ھەممە شۇنداق تېنىچ، يىقىمسىز. خۇددى تېخىمۇ زەئىپ چۈشلەرنى كۆرۈۋاتقاندەك.. پەقەت بىر نەچچە كىچىك بالا يۈگۈرشۈپ زالدىن تەڭگە پۇل تىرىشىۋاتاتتى… داۋاملىق ئوقۇش →

كومپيۇتېرداWiFiنوقتىسى قۇرۇپ iPhoneدا ھەقسىز تورغا چېقىش

APPLE

ھازىر ئەتراپىمىزدا wifi ئارقىلىق تورغا چىقىدىغان ئۈسكىنىلەر ناھايتى كۆپ. بولۇپمۇ دۆلىتىمىزدە 2009-يىلى 6- ئايدىن تارتىپ يانفون قاتارلىق سىڭدۈرمە سىستىمىلىق ئۈسكىنىلەرگە بولغان wifi چەكلىمىسىنى بىكار قىلىۋەتتى. شۇڭا سىملىق تور تارتىش قولايسىز ياكى كونا، ئاسارە-ئەتىقە خاراكتىرلىك ئىمارەتلەردە سىمسىز تورغا چىقىش ئەڭ ئىقتىسادىي ئۇسۇل ھىسابلىنىدۇ.ئۇنىڭ ئۈستىگە wifi تارقاتقۇچنىڭ قاپلاش دائىرسى ئادەتتە 50 مىتىر ئەتراپىدا بولغاچ (ئىمارەت قۇرۇلۇشى زىچ بولسا تەسىرگە ئۇچرايدۇ)، ئائىلە، ئىشخانىلاردا بۇ خىل ۋاستە ئارقىلىق تورغا چىقىش ناھايتى ياخشى تاللاش.

تۆۋەندىكى تېما سىمسىز تور سىگىنالى تارقىتىش شارائىتى ھازىرلىغان Windows7 مەشغۇلات سېستىمىسى قاچىلىغان بارلىق ئۈسكىنىلەرگە(笔记本电脑，平板电脑，台式机，服务器，工作站) ماس كىلىدۇ.

ھۆرمەتلىك خالاستان بىلوگىنىڭ ئوقۇرمەنى، ئەگەر سىزنىڭ سىمسىز روتور (无线路由器) شارائىتىڭىز بولسا كەپتەرخانىدىكى ماۋۇ تېمىدىن پايدىلىنىپ سىمسىز تور قۇرۇش مەقسىتىگە يىتەلەيسىز. مەنزىل : http://www.kokkaptar.com/blog/180.html كەپتەرۋازلار مۇناسىۋەتلىك تېخنىكىلىق تەمىنلەش قىلىدۇ.

ئەگەر سىزدە سىمسىز روتور يوق، ئۆزىڭىز سىمسىز تور كارتىسى سەپلىگەن(USB باشلىق،ئانا تاختىغا سانجىيدىغان ياكى لەپتوپنىڭ IEDEئېغزىغا سانجىلغان ۋە ياكى كومپيۇتېرلارنىڭ ئىچىگە ئورنىتىلغان) لا بولسىڭىز تۆۋەندىكى  تېما ئارقىلىق ئۆزىڭىزنىڭ سىمسىز تور نوقتىڭىزنى قۇرۇپ مۇستەقىل تورغا چىقالايسىز. دىققەت تۆۋەندە بولغاي(مىنىڭ سىستىمام ئېنگىلىزچە، شۇڭا مەن  ئۆزۈمنىڭ مەشغۇلات تەرتىپىم بويىچە مۇناسىۋەتلىك خەتلەرنى خەنچە يېزىپ بىرىمەن):

1.ئالدى بىلەن سىىمسىز تور كارتىسىنىڭ قۇلۇبىنى ئېچىڭ

رەسىمدە كۆرسىتىلگەن ئورۇندىن 网络与共享中心 دىگەننى تاللايسىز.

2.无线网络管理 دىگەننى بىسىڭ

3.كۆرنگەن رەسىمدىن 添加 دىگەنى بېسىڭ

4. رەسىمدىكى يەرنى تاللاڭ

5.مۇناسىۋەتلىك يەرلەرنى رەسىمدىكىدەك تولدۇرۇڭ.

6. تولدۇرغاندىن كىيىن تۆۋەندە رەسىمدە كۆرسىتىلگەندەك ، كىيىنكى قەدەم

7. بىر ئاز ساقلايمىز

8.يۇقارقى باسقۇچ ئاخىرلاشقاندىن كىيىن بىز ھازىرلا قۇرۇلغان تورنى سىمسىز تور كارتىسى بىلەن ئۇلايمىز. تۆۋەندىكى رەسىمدىن قۇرۇلغان تورنى بايقاپ ئاندىن 链接 دىگەنى تاللايمىز.

9. مۇۋاپقىيەتلىك بولغان بولسا تۆۋەندىكى رەسىم كۆرۈنىدۇ. بىز مۇناسىۋەتلىك ئۈسكىنە ئارقىلىق تورنى ئىزدەپ تېپىپ كىرسەكلا بولىدۇ.

**************************************************************************************

يۇقارقى باسقۇچلار ئارقىلىق تورغا چېقىش مەسىلىسى ھەل بولدى. لىكىن قىسمەن كومپيۇتېرلار بەلكىم چىقالماسلىقى مۇمكىن. شۇڭا تۆۋەندىكى باسقۇچلارنى تولۇقلاش ئارقىلىق تورغا بىمالال چىقالايسىز.

1. ئۈستىدىكى 1- باسقۇچ ئارقىلىق 网络与共享中心 دىگەن كۆزنەكنى ئاچىمىز. بۇ يەردە رەسىمدىكىگە ئوخشىمايدىغان  ھەرخىل ئۇلىنىشلا بولىشى تەبىئي.

سىز پەقەت 本地连接 ياكى 宽带连接 ۋە 无线连接دىگەن ئىككى تۈرنىلا نەزەرىڭىزگە ئالسىڭىز بولىدۇ. باشقىلىرى بىزنىڭ تەتقىقات ئوبىيكتىمىز ئەمەس، ھەم سىمسىز تور بىلەن دەخلىسىز.

2. تۆۋەندىكى رەسىمدىكىدەك . 本地连接 ياكى 宽带连接 نىڭ ئۈستىدە مائۇس ئوڭ كۇنۇپكىسىنى چېكىپ ئەڭ ئاستىدىكى تاللاش تۈرى (属性) تەڭشەيمىز.

يۇقارقى رەسىمدىكى 6 رەقىمى قويۇلغان ئورۇندىكى بارلىق تاللاشلارنىڭ ھەممىنى تاللاش كىرەك، يەنى 6،7 رەقىمى كۆرسىتىلگەن باسقۇچلارنى تەكرارلاپ ھەممىنى تاللىۋىتىش كىرەك. بۇ باسقۇچتا بىز ھازىر تور ئۇلىنىشى تەمىنلەۋاتقان نوقتىنىڭ ئۇلىنىشىنى سىرتقا يەنى رەسىمدىكى 无线网络连接 گە ئورتاق قىلىپ بەردۇق.

3.ئەمدى بىز 无线网络链接 دىگەننىڭ  خاراكتېرى

3.  سىمسىز تورنىڭ IP لىرىنى بىكىتىپ بىرىمىز. بارلىق تەڭشەيدىغان باسقۇچلار تۆۋەندىكى رەسىمدىكىدەك.

4. يۇقارقى باسقۇچلارنى تاماملىغاندىن كىيىن تۆۋەندىكى تور تاللاش ئورنىدىن تورنى ئۈزۈپ-ئۇلاپ(بىر تاللىساق ئۇلىنىدۇ، يەنە بىر تاللىساق ئۈزۈلىدۇ)لا باشقا ئۈسكىنىلەرنى تونىتىپ تورغا چىقىۋەرسەك بولىدۇ.

«قازاننىڭ قۇلىقى ھەممە يەردە تۆت»مۇ؟

Gulanئەپەندى يازمىسى

بۇ ماقالە گۈلەن(ئابدۇۋەلى ئايۇپ) ئەپەندىنىڭ «ئامىركىدىكى مۇساپىر تۇيغۇلار» ناملىق يازمىسىغا داۋاملاشتۇرۇلغان. ئامېركىدىن قايتىپ كەلگەندىن كىيىن يازغان ماقالىسى. ئوكيان قامۇسىدىن ئېملا تۈزۈىتىلىپ قايتا توپلاندى.

مۇناسىۋەتلىك ماقالىلەرنى خالاستان بىلوگىنىڭ Gulan مەخسۇس سەھىپىسىدىن تاپالايسىز.ئادىرىس

-«ئامېرىكىدىكى مۇساپىر تۇيغۇلار»نىڭ داۋامى

ئۇيغۇرچىدا ”قازاننىڭ قۇلىقى ھەممە يەردە تۆت“ دېگەن تەمسىل بار. بۇ تەمسىلگە ئۇلىنىپ كېلىدىغىنى ”دۇنيانىڭ نەرىگە بارساڭ ئوخشاش، ئۆز يۇرتقا يېتىدىغان ھىچ يەر يوق“ دېگەن خۇلاسە بولىدۇ.

باشلانغۇچتا ئوقۇۋاتقان چېغىمدا بىر تۇغقىنىمىز ئۈرۈمچى، غۇلجا، قارىماي قاتالىق شەھەرلەرنى چۆرگىلەپ كېلىپ ”قازاننىڭ قۇلىقى ھەممە يەردە تۆرتكەن، دۇنيادا ھىچ بىر يۇرت بىزنىڭ ئوپالغا يەتمەيدىكەن“ دەپ قايتىپ كەپتىكەن. شۇندىن كېيىن سەبى قەلبىمدە دۇنيا تولىمۇ كۆرۈمسىز قاقاسلىقتەك، ئوپال شۇ قاقاسلىقتىكى بىردىن بىر يېشىللىق ئارىلىدەك بىلىنگەنىدى. شۇندىن كېيىن ئوپالنى دۇنيا بويىچە ئەڭ ئېسىل يۇرت دېگەن چۈشەنچىدە چوڭ بولدۇم. ئوپالنى گۈزەللىككە تاشقى دۇنيانى بەتبەشىرەلىككە سىمىۋۇل قىلىپ چۈشىنىۋالغىنىم مېنىڭ ئەمەس مېنى چوڭ قىلغان موھىتنىڭ خاتالىقى ئەلۋەتتە.

بۇ قېتىم قەشقەردىكى كۈنلىرىمدە قەشقەردىكى چوڭ ئىكىرانلاردا ”بىزنىڭ شىجاڭ ياخشى جاي“، ”ئەڭ گۈزىلى يەنىلا بىزنىڭ شىىنجاڭ“ دېگەن خەنزۇچە ناخشىلارنىڭ ھەر كۈنى ياڭراۋاتقىنىغا دىققەت قىلدىم. باشقىلارنى ئىنكار قىلىشىنى ئۆزىنى مۇئەييەنلەشتۈرۈشنىڭ ۋاستىسى قىلىۋالغان جوڭگۇچە تەشۋىقات يەنە نۇرغۇن سەبىلەرنى تەربىيىلىمەكتە ئېدى. دېمەك، ”قازاننىڭ قۇلىقى ھەممە يەردە تۆرت“ دېگەن بۇ تەمسىل بىرى، ئېڭىمىزدىكى ”دۇنيادا ئەڭ ئېسىلى بىزنىڭ يۇرت، شۇڭا جاھان كېزىشنىڭ ھاجىتى يوق“ دېگەن بېكىنمە چۈشەنچىنى ئەكىس ئەتتۈرىدۇ. يەنە بىرى ”دۇنيادا ھەممە يەر ئوخشاش“ دېگەن بۇرمىلانغان قاراشنى يانسىتىدۇ. ئۈچىنجىسى رەڭلىك كۆزەينەك تاقىۋېلىپ دۇنيا رەڭلىك دەپ قارايدىغان ئىددىيىنى ئاشكارىلايدۇ.

ئانامنىڭ نەزىرىدىكى ساقچى

مېنى ساقچى ئىزلەپ كەلدى

بىر كۈنى ئۆيگە تېلىفون قىلىپ ئانامغا ”ئانا، مېنى بۈگۈن ساقچى ئىزدەپ كەپتۇ“ دېۋىدىم. ئانامنىڭ ئۈنى ئۆچۈپلا كەتتى. ئانامنىڭ يىغلامسىراۋاتقانلىقىنى ئۇقۇپ دەرھال گەپنى يۆتكىۋەتتىم. قەشقەردە ياشاۋاتقان ئانامنىڭ نەزىرىدە ساقچىنىڭ ئىزدەپ كېلىشى ئىنتايىن قورقۇنچلۇق بىر ئىش بولۇپ ئاللىقانداقتۇر بىر پىشكەللىكتىن دالالەت بېرىدۇ. ئامېرىكىدا بىرسىنى ساقچىنىڭ ئىزدەپ كېلىشى تولىمۇ نورمال ئىش. تۇيۇقسىز ئەھۋالدا ساقچىغا مەلۇم قىلىش ئۈسكۈنىسى شەھەرنىڭ كۆزگە كۆرۈنگىدەك ھەممە يېرىگە ئورۇنلاشتۇرۇلغان بولۇپ كونۇپكىنى باسسىلا مىنۇت ئۆتمەي ساقچى ھازىر بولىدۇ. كىشىلەرمۇ ساقچىغا مەلۇم قىلىشقا شۇ قەدەر خۇشتاركى ئاچقۇچىنى ئۆيىدە ئۇنتۇپ قالسا، يولدا مەست لەلەڭشىگەن بىرسىنى كۆرسە، قارىغۇچىسىز ئويناۋاتقان بىرەر كىچىك بالىنى بايقىسا دەرھال ساقچىغا مەلۇم قىلىشىدۇ. ساقچىلارمۇ ئاجايىپ دوستانە، پەقەت قورال دەڭلىمىسىڭىزلا قوپاللىق قىلمايدۇ. ئامېرىكىدا تۇرغان يىللاردا مېنى ئىككى قېتىم ساقچى ئىزدىدى. بىر قېتىم بۇرۇنقى قوشنامنىڭ نەگە كۆچكەنلىكىنى سوراشتۇرۇغىلى كېلىپتۇ. يەنە بىر قېتىم يەسلىدە قېلىپ قالغان قىزىمنى ئەكىلىپ قويغىلى كېلىپتۇ.2010- يىلى كۈز ئايلىرىنىڭ بىرىدە ئۇقۇشماستىن قىزىم يەسلىدە بىر سائەت تۇرۇپ قاپتۇ. مەن ئايالىمنى ئالغىلى بارىدۇ، دەپ تېلىڧونۇمنى ئېتىپ لېكسىيە ئاڭلىغىلى كېتىپتىمەن. ئايالىم قىزىم ئىككەيلەننى يەسلىدىن كېيىن بىر يەرگە كەتكەن بولسا كېرەك، دەپ ئىشىغا مەشغۇل بولۇپتۇ. ئىككىلىمىزدىن خەۋەر بولمىغاچقا يەسلىدىكىلەر ساقچىغا خەۋەر قىلىشىپتۇ. مەن لېكسىيەدىن چىقىپ ئۆيگە بارغاندا ساقچى بالامنى ئۆيگە ئاپىرىپ قويۇپ مېنى ساقلاپ تۇرغانىكەن. مېنىڭ ئاغزىمدىن بولغان ۋەقەنى تەپسىلى ئاڭلاپ خاتىرە قالدۇرغاندىن كېيىن رەھمەت ئېيتىپ كېتىپ قېلىشتى.

ئانامنىڭ ساقچىنىڭ ئىزدەپ كەلگىنىدىن قورقۇپ كېتىشى دۇنيانىڭ ھەممە يېرىدىكى ساقچىنى قەشقەرنىڭ ساقچىلىرىغا ئوخشىتىپ قالغانلىقىدىن، يەنى قازاننىڭ قۇلىقىنى ھەممە يەردە تۆرت دەپ قالغىنىدىن بولغان. جوڭگۇدا مەمۇرلار ئۆزىنى پۇقراغا مۇلازىمەت قىلغۇچى ئەمەس پۇقرانىڭ باشقۇرغۇچىسى، خوجايىنى دەپ قارايدۇ. بۇنىڭ ئەكسىچە ئامېرىكىدا مەمۇرلارنىڭ بىرى بولغان ساقچىلار پۇقرانىڭ مۇلازىمەتچىلىرى، خەلقنىڭ ھەقىقى ”چاكار“ لىرىدۇر. شۇڭا پۇقرا بىلەن ساقچى ئارىسىدا قورقۇش، قورقۇتۇش مۇناسىۋىتى مەۋجۇد ئەمەس.

قەشقەرچە ئامېرىكا

ئامېرىكا ئۆزىگە پايدىلىق تەشۋىقاتنى تارقىتامدۇ؟

ئامېرىكىدىن قايتىپ كەلگەندىن كېيىن كىشىلەرنىڭ ئاغزىدىن ئامېرىكا ھەققىدە مەن ئامېرىكىدا تۇرۇپ ئاڭلاپمۇ باقىمىغان تولىمۇ قىزىقارلىق، بىمەنە، ئەپسانىۋىي خەۋەرلەرگە دۇچ كەلدىم. بىر قىسىم ئاغىنىلەر يازغانلىرىمنى قەشقەردە ئۆگەنگەن ”پاكىتلار“ بىلەن ئىنكار قىلىشتى. مېنىڭ ئامېرىكا ھەققىدە يازغانلىرىم ئىككى خىل خىل ئاغىنىلەرگە ياقماپتۇ. بىرى پارتىكومغا ئىشلەيدىغان كادىر، كومۇنىست بۇرادەرلەرگە يەنە بىرى مەسجىدكە ئىشلەيدىغان دىندار، مۇسۇلمان قېرىنداشلارغا.

بىر ئاغىنىمىز بېيجىڭدىكى بىر داڭلىق ئۇنۋېرىستىتقا تەربىيىلەنگىلى كەتكەنىدى. تەربىيىلىنىشتىن ”ئامېرىكا يەر شارىدىكى 80 پىرسەنت ئاھالىنى ئەخلەت ئاھالە ھىساپلايدىكەن، بۇ مەسىلىنى ھەل قىلىش ئۈچۈن بىرى ۋاكسىنا ئېكىسپورت قىلىش يولى بىلەن ئىنسانلارنىڭ پەرزەنتلىك بولۇش ئىقتىدارىنى يوقۇتىدىكەن، يەنە بىرى بىر قانچە قېتىم تېرىغاندىن كېيىن قايتا ھوسۇل بەمەيدىغان ئۇرۇق ئېكىسپورت قىلىش يولى بىلەن ئىنسانلارنى ئاچ قويۇپ يوقۇتىدىكەن، ئۈچۈنجى بىرى دۇنيادىكى بۆلگۈنچى كۈچلەرنى قوللاپ ئۇرۇش ئارقىلىق ئىنسانلارنى يوقۇتىدىكەن“ دېگەندەك گەپلەرنى كۆتۈرۈپ كەپتۇ. مەن ئامېرىكىدا مۇنداق قىلىشىنىڭ قانۇنغا خىلاپ ئىكەنلىكىنى، ئامېرىكا دەرسخانىلىرىدا نورمال بىر ئىنساننىڭ بۇنداق دەرسنى سۆزلىمەيدىغان ۋە ئاڭلىمايدىغانلىقىنى دەپ قويدۇم. مېنى ھەيران قالدۇرغىنى سورۇندا بىللە ئولتۇرغانلارنىڭ ھەممىسى دېگۈدەك ئامېرىكىنىڭ شۇنداق قىلىدىغانلىقىغا ئىشىنىدىكەن.

قانۇن دېگەن ئېقى قەغەز قارىسى سىياھ. ئىنسانلارنى يوقۇتۇش ئامېرىكىنىڭ مەخپىي دۆلەت سىياسىتى. سىياسەت دېگەن ھامان قانۇندىن ئۈستۈن تۇرىدۇ. شۇڭا ئامېرىكىلىقلارمۇ ۋاقتى كەلسە قانۇننى بىر چەتكە قايرىپ قويۇدۇ.- سېنىڭ ئامېرىكدا بۇنداق خەۋەرنى ئاڭلىمىغىنىڭ بۇ ئىشنىڭ يوقلۇقىنى چۈشەندۈرمەيدۇ. ئامېرىكىدىمۇ تەشۋىقات بۆلۈمىگە ئوخشايدىغان ئورگانلار بار. ئامېرىكىمۇ ئۆزىگە پايدىلىق تەشۋىقاتنى تارقىتىدۇ. ئۇلاردىمۇ چوقۇم پارتىيە مەكتەپلىرى بار. بۇنداق خەۋەرلەر پەقەت پارتىيە مەكتەپلىرىدە تەربىيەلەنگەن كادىرلارغىلا سۆزلىنىدۇ. شۇڭا سېنىڭ بىلمەسلىكىڭ ئېنىق.- ئامېرىكا ھازىر لېۋىيەدە ھۆكۈمەتكە قارشى توپۇلاڭچىلارنى يۆلەۋاتىدۇ. 41 يىلدىن بېرى كازاڧى رەھبەرلىكىدە بىر ئوبدان ياشاۋاتقان خەلقنى توپۇلاڭغا كۇشكۇرتۇپ لېۋىيەنىڭ مۇقۇملىقىغا تەھدىت سالدى. سەنچە بۇمۇ يالغانمۇ؟- دۆلىتىمىز ھازىر دۇنيا بويىچە ئىككىنچى چوڭ باي دۆلەت. ئامېرىكىدا كومپارتىيەدەك بىر كۈچلۈك پارتىيە بولمىغاچقا، ھەممە ئادەم دېموكراتىيە بايرىقىنى كۆتۈرىۋېلىپ ئۆز سەنىمىگە دەسسىگەچكە ئامېرىكا 2008 –يىلدىكى ئىقتىسادى كىرزىسقا بەرداشلىق بېرەلمىدى. ئامېرىكا ئەمدى تۈگەشتى. دۆلىتىمىز ئامېرىكىدىكى بۆلگۈچىلەرنى قوللايدىغان بولسا ئاللىقاچان پارچىلىنىپ كەتكەن بولاتتى…ئۇلارنىڭ ئاغزىغا تاقەت قىلىپ شۇنچە قاراپمۇ ”ئامېرىكا ئاللانىڭ دۈشمىنى، ئامېرىكا شەيتان.“ دېگەن گەپلەرنى ئاڭلىمىدىم. مەنچە شۇ گەپلەرمۇ قوشۇلۇپ كەتكەن قەشقەردىكى بىر ئۇيغۇرنىڭ كاللىسىغا قاچىلانغان ئىدىيىلەر تولۇق ئاشكارىلانغان بولاتتى. بەلكىم ئۇلار كادىر بولغاچقا دېگۈسى بولسىمۇ ئاخىرقى دىنغا ئالاقىدار جۈملىلەرنى دېيىشتىن ئېھتىيات قىلغان بولۇشى مۇمكىن.

مەن ئۇلار بىلەن بۇ ھەقتە تالاشمىدىم. چۈنكى ئۇلارنىڭ كاللىسىغا تەشۋىقات بۆلۈمى، پارتىيە مەكتىپى، كادىر، سىياسەت، ئىدىيىنى ئازاد قىلىش…دېگەن ئاتالغۇلار سىڭىپ كەتكەن. ئۇلارنىڭ نەزىرىدە قازاننىڭ قولىقى ھەممە يەردە تۆرت بولۇپ، ئاخبارات دېگەن تەشۋىقات دېگەن سۆز. ئۇلارنىڭ قەلبىدىكى ئامېرىكا قەشقەردىن پەرقلەنمەيدىغان بىر يەر. ئۇلار دۇنيادىكى ھەممە يەرنى قەشقەرچە تەسەۋۋۇر قىلىدۇ. ئۇلارغا ئىنسان ئىدىيىسى سەۋەبلىك جازالانمايدىغان، ئىنساننىڭ ئېتىقاد، تەشكىللىنىش، نامايىش قىلىش، ئىدىيە تارقىتىش، …قاتارلىق ئاللا ئاتا قىلغان مۇقەددەس ھوقۇقلىرى مۇتلەق قوغدىلىدىغان، ئىنساننىڭ دۇنيانى ۋە دۆلەتنى تەرەپسىز ئاخبارات ئارقىلىق چۈشىنىش ھوقۇقى كاپالەتلەندۈرۈلىدىغان بىر دۆلەتنىڭ مەۋجۇتلۇقىنى ئاڭلىتىش بەسى مۈشكۈل. ئۇلارغا ئامېرىكىدا قورالسىز بۆلگۈنچىلىكنىڭ قانۇنغا ئۇيغۇن، بۆلگۈچىلىككە قارشى قوراللىق ھەرىكەتنىڭ قانۇنغا خىلاپ ئىكەنلىكىنى چۈشەندۈرۈش مۇمكىن ئەمەس. چۈنكى ھەممە يەردە قازاننىڭ قۇلىقى تۆت.

ئۇيغۇردىنمۇ ئامېرىكا پىرىزدېنتى چىقسۇن

بېيجىڭدىكى دوستلارنىڭ مېھىرلىك قۇچاقلىرىدىن ۋەتەننى ھىدلاپ ھىجرانلىق ھېسلارغا ئازراق بولسىمۇ تەسكىن تاپتۇق. دوستلارنىڭ كۆپى كۆزلىرىگە، قۇلاقلىرىغا ئىشەنمەي قېلىشتى. ئۇلارنىڭ بەزىلىرى يازغانلىرىمغا قاراپ مېنى ئەمدى قايتىپ كەلمەيدۇ، دەپ ئويلاشقانىكەن. ئەسلىدە مەن دوستلارنىڭ يازغانلىرىمغا قاراپ مېنى قايتىپ كېلىدىكەن، دېگەن ئىشەنچتە بولسىكەن دەپ ئارمان قىلغانتىم. قايتىپ كەلگەن تۇنجى كۈنى مېنى تاڭ قالدۇرغىنى ئۇيغۇرلارغا خېلى مەشھۇربىر دوستۇمنىڭ “ قايتىپ كېلىپ نېمىمۇ قىلار بولغىيدىڭلار. بولسا ئىككى ئاي ئوبدان ئارام ئېلىپ قايتىپ كېتىڭلار. بىز بۇ يەردە مۇشۇ پېتى تۇردۇق. سىلە قايتىپ بېرىپ ئىنگلىزچە كىتاب يېزىپ ئۇيغۇرلارنى تونۇشتۇرساڭلا شۇ ئەۋزەل. قىزىڭلارنىڭ تىلىمۇ بىر چىرايلىق ئىنگلىزچە چىقىپتۇ. ئۇيغۇرچىنى ياخشى بىلمىگىنىدىن قاراپ تۇرسام ئۇۋىلىپ كەتتىڭلار. بۇنىڭغا ھەسرەتلەنگۈلۈك ئەمەس. بىز بالىلارنىڭ تىلىنى ئەمەس ئەقلىنى ئۇيغۇرچە قىلساق شۇنىڭ ئۆزى كۇپايە. بالىلىرىمىزنىڭ تىلى نەگە كەتسە كەتسۇن ئەقلىنى قايتۇرۇپ كېلەلىسەك شۇنىڭ ئۆزى نەتىجە. مەن سىلىنىڭ ئورنۇڭلاردا بولسام ئامېرىكىغا قايتىپ كامىدا ئون بالىلىق بولاتتىم. بولسا قايتىپ قانچە بالىلىق بولغىڭلا كەلسە بولۇڭلار. شۇ بالىلىرىڭلارنى ئوبدان تەربىيىلىيەلىسەڭلا ئارىدىن بىرى ئوبامادەك پرېزىدېنت بولۇپ قالامدۇ تېخى. نېمىشقا بولمىغۇدەك، ئۇيغۇردىنمۇ ئامېرىكا پرېزىدېنتى چىقسۇن. شۇنىڭ بىلەن ئىشىمىز يۈرىشىدۇ…“ دېگىنى بولدى. ئويلىسام ئويلىسام بۇ گەپنىڭ ئاخىرى بەكمۇ غەلىتە. بىرى، بىر زىيالىينىڭ ئېغزىدىن چىقىۋاتقان ئون بالىلىق بولۇش مەسىلىسى، يەنە بىرى ئۇيغۇردىن ئامېرىكا پىرىزدېنتى چىقسا ئۇيغۇرنىڭ ئىشىنىڭ يۈرۈشۈش مەسىلىسى. مەنچە ئون بالىلىق بولۇش مەسىلىسى بىر قىسىم ئۇيغۇرلاردىكى ئۆز ھاياتىدىن ئۈمىدسىزلىنىشنى ئىپادىلىسە كېرەك.

مەن ئامېرىكىدا ياپياش ئۇيغۇر ئاتا-ئانىلارنىڭ ”بىز تىرىشىپ بالىلىرىمىزنى ئامېرىكىلىق قىلىۋالدۇق، ئەمدى مىللەتنىڭ ئۈمىدى مۇشۇ بالىلاردا قالدى“ دېيىشكەنلىرىنى ئاڭلىساملا جۇدۇنۇم ئۆرلەيتتى. ئۇيغۇرچىنى ئەپلەپ سۆزلىيەلمەيدىغان ئۇ بالىلاردا مىللەتنىڭ ئۈمىدى نېمە قىلسۇن؟ نېمە قىلىدىغاندۇ، بۇنداق ئۆزىنى ئالداپ! خۇددى ل. مۇتەللىپ ”ئاخىرقى جەڭگە ئاتاپ قويارمەن ئوغلۇمنى“ دېگەندەكلا! ۋەتەندىكى دوستلاردىمۇ ”باشقا ئىش قىلالمىساق ئۇيغۇرنىڭ نوپۇسىنى بولسىمۇ كۆپەيتكەچ تۇرايلى“، “ بىز ياشايدىغاننى ياشاپ بولدۇق، ئەمدى بالىمىز ئۈچۈن ياشايلى“ دەيدىغان كەيپىياتنىڭ خېرىدارلىق ئىكەنلىكىدىن مەيۈسلىنەتتىم. مەنچە بىر قىسىم دوستلاردىكى كۆپ بالىلىق بولۇشقا تەشنالىق_ ئۈمىدسىزلىككە تەسەللى ئىزدەش، بۈگۈنكى مەسئۇلىيەتنى كەلگۈسىگە يۈكلەش ۋە خىيالپەرەسلىكتىن باشقا نەرسە ئەمەس.

ئۇيغۇردىن ئامېرىكا پىرىزدېنتى چىقسا ئۇيغۇرنىڭ ئىشى يۈرىشىدۇ. دېگەن قاراشتا بىرى قاراخانىيلار ئىمپېرىيىسى بەربات يىمىرىلگەندىن كېيىن شەكىللەنگەن پىرنى سىرتتىن تاما قىلىپ، ئۇيغۇرنى مۇرت بولۇشقىلا يارايدۇ دەيدىغان مىللىي كەمسىنىش ئەكس ئەتكەن بولۇشى مۇمكىن. يەنە بىرى ئەمەلدارلىق ھەممىنى ھەل قىلىدۇ، ھوقۇق ھەممىگە قادىر، ھوقۇقدارلىق ھەممىگە قابىللىقتۇر دېگەندەك مۇستەبىت جەمئىيەتكىلا ماس كېلىدىغان ئىجتىمائىي كەيپىياتنىڭ ئىنكاسى بولۇشى مۇمكىن. ئەمەلىيەتتە ئۇيغۇردىن بىر ئامېرىكا پىرىزدېنتى ئەمەس، ياۋروپا دېموكراتىك ئەللىرىنىڭ ھەممە پىرىزدېنتى ئۇيغۇردىن بولغان تەقدىردىمۇ ئۇيغۇرنىڭ ھېچ ئىشى يۈرۈشمەيدۇ. چۈنكى دېموكراتىك ئەللەردە ھاكىمىيەتنىڭ قانداق يۈرگۈزىلىشى ئاللىقاچان قېلىپقا چۈشۈپ بولغان، ھاكىمىيەت يەرگۈزگۈچىنىڭ ئالمىشىشى بىلەن دۆلەتنىڭ قانۇنلىرى ئالمىشىپ كەتمەيدۇ . ھاكىمىيەت يۈرگۈزگۈچى بىرەر مىللەتكنىڭ مەنپەئەتى ئۈچۈن ئەمەس، شۇ دۆلەتتىكى بارلىق پۇقرانىڭ مەنپەئەتى ئۈچۈن ھاكىمىيەت تۇتىدۇ.

دېمەك، يۇقىرىقى ئىككى خىل كەيپىياتتا ئىپادىلىنىدىغىنى ئاز سانلىق كۆپ سانلىققا بويسۇنىدىغان، نوپۇس ئامىلى ھەل قىلغۇچ رول ئوينايدىغان، ھوقۇقلا بولسا ھەممە ئىش يۈرىشىدىغان دۆلەتتىكى كىشىلەرنىڭ دۇنياغا بولغان چۈشەنچىسى بولۇپ ئامېرىكىدىمۇ شۇنداق دەپ ئويلىغانلىق، يەنى رەڭلىك كۆزەينەك تاقاپ دۇنيانى رەڭگارەڭ كۆرۈشتىن باشقا نەرسە ئەمەس. بۇ نۇقتىدىن ئالغاندا ئامېرىكىدىكى قازاننىڭ قۇلىقى تۆت ئەمەس، بەلكى توققۇز ۋە ياكى قىرىق.

تۈرمىدىن قاچقانiPhoneغا چوقۇم قاچىلايدىغان دېتاللار(كونا2)

تۈرمىدىن قاچۇرۇش،،

ئالمىنى تۈرمىدىن قاچۇرۇشتىن مەقسەت ئۇنىڭ ئىقتىداردىن تولۇق پايدىلىنىش ئۈچۈن، ئەلۋەتتە. بىز يۇقىرى سەپلىمىلىك بۇ قاتتىق دىتال بىرلەشمىسىدىن تېخىمۇ ئەتراپلىق پايدىلىنىشى ئۈگىنىۋىلىشىمىز كىرەك.

تۈرمىدىن قاچۇرۇشنىڭ پايدىسىنى بۇ تېمىدىن كۆرگەيسىز.../445.html

تۆۋەندە مەن ئۆزۈمنىڭ ئۇزۇندىن بۇيانقى ئالما مەھسۇلات ئشىلىتىش تەجىربىسىگە ئاساسەن بىر نەچچە قولايلىق يۇمشاق دىتاللارنى تەۋسىيە قىلىمەن. بۇ يۇمشاق دېتاللارنى ئالمىغا تۈرمىدىن قاچۇرۇلغاندىن كىين قاچىلانغان دېتال cydia ئارقىلىق قاچىلاشقا بولىدۇ.

cydia ئشىلىتىش دەرسىلىكى ../928.html

بىز ئالدىنقى تېمىمىزدا قوللىنىشچان يۇمشاق دېتالدىن 5نى تونۇشتۇرغان. ../1214.html تۆۋەندە يەنە قوللىنىشچانلىقى ئەڭ يۇقىرى بولغان يۇمشاق دېتالدىن 5نى تونۇشتۇرىمىز.

1.Wi-Fi Sync


بۇ يۇمشاق دېتال ئارقىلىق ئالما نى wifi ئارقىلىق كومپيۇتېرغا ئۇلاپ iTunes بىلەن ماسقەدەملەشتۈرۈش ۋە ناخشا-فىلىم كۆچۈرۈش قاتارلىق مەشغۇلاتلارنى قىلىشقا بولىدۇ. بۇنىڭ ئۈچۈن ئۇچۇر سىمى كۆتۈرۈپ يۈرۈش، كومپيۇتېرغا باغلىنىپ قىلىغ ئاۋارچىلىقى تۈگەيدۇ. مەنمۇ ئادەتتە مۇشۇ دېتالدا مەشغۇلات قىلىمەن. مۇقىملىقىمۇ يۇقىرى. سىناپ بېقىشقا ئەرزىيدۇ.

2.BiteSMS

BiteSMS دىگەن ئۆزى كىچىككىنە دېتال، ئەمما تەمىنلەيدىغان قولايلىقى ھەقىقەتەن كۆپ. تېز سۈرەتتە قىسقا ئۇچۇر، ئېلخەت يېزىش، ئىمزا قوشۇپ يوللاش،ئىكرانغا قۇلۇب سېلىش، ئۇچۇر قىلىپى قاتارلىق قوللىنىشچان ئىقتىدارلىرى بار.

3.LockInfo

LockInfo نامىدىكى بۇ يۇمشاق دېتالنىڭ رولى كەلگەن بارلىق قىسقا ئۇچۇرلارنى ئىكرانغا بىۋاستە چىقىرىپ كۆرسىتىش. مەشغۇلات باسقۇچىنى تېخىمۇ ئاددىيلاشتۇرىدۇ.

4.Frash


iphone，ipod touch，ipad قاتارلىقلار adobe نىڭ جىنى بولغان flash نى قوللىمايدۇ. Frash نى قاچىلاش ئارقىلىق safari ئارقىلىق تور بەتلەردىكى flash ھەركەتلەرنى كۆرۈشكە بولىدۇ. لىكىن يەنىلا flash فورماتىدىكى فىلىملەرنى بىۋاستە قويالمايدۇ. بۇنى كۆرۈش ئۈچۈن مەخسۇس قويغۇچ دېتاللارنى ئېھتىياجلىق بولىمىز. بۇ ھەقتە مەزمۇن خالاستان بىلوگىدىكى تۆۋەندىكى تېمىدا بار. ../1134.html

5.MultiIconMover

ئالما مەھسۇلاتلىرىدا ئىكراندىكى سىنبەلگە ئۈستىدە قولنى قويۇپ تۇرغاندا سىنبەلگىلەر تاللانغان ھالەتكە ئۆتۈپ يۆتكەپ باشقا بەتلەرگە قويۇشقا بولىدۇ. ئالما ئۆزىنىڭ نېگىزلىك بۆلىكىدە پەقەت بىرلا سىنەلگىنى يۆتكەش ئىقتىدارى تەمىنلىگەن بولۇپ  سىنەلگىلەرنى رەتلەش ئىھتىياجىي تۇغۇلغاندا پەقەت بىر-بىرلەپ يۆتكەشكە توغرا كىلىدۇ.MultiIconMover نامىدىكى دېتال ئارقىلىق سىنبەلگىلەرنى توپلاپ يۆتكەشكە بولىدۇ.

[تەۋسىيە]iPhoneنى تەھرىرلەش،بارماق دېسكا قىلىش

ئالما ساۋادى،

ئالدىنقى تېمىمىزدا iPhone ھۆججەتلىرىنى باشقۇرۇش دېتاللىرىدىن بىر نەچچىنى تونۇشتۇرغان. بۇ تېمادىن كۆرۈڭ. يۇقارقى ۋە تۆۋەندىكى دېتال بارلىق نەشىردىكى iPhone，iPodTouch，iPad كە ماس كىلىدۇ.

مەن بۈگۈن ئالما ھەۋەسكارلىرىغا ئىشلىتىش ناھايتى قولاي، قوزغۇتۇش پىروگراممىسى ۋە باشقا دېتال قاچىلاش كەتمەيدىغان ھۆججەت باشقۇرۇش دېتالى تەۋسىيە قىلىمەن. دېتال قاچىلانغاندىن كىيىن پەقەت كومپيۇتېر بىلەن iPhone پەقەت بىر قىسمىي توردا بولسا(ياكى ھەر ئىككلىسى Internetقا ئۇلانغان بولسا)  iPhone نىڭ خالىغان ھۆججەتلىرىنى خۇددى كومپيۇتېرنىڭ قاتتىق دېسكاسىنى زىيارەت قىلغاندەك زىيارەت قىلىپ، ھۆججەت ئۆچۈرۈش، كۆچۈرۈش مەشغۇلاتى قىلىشقا بولىدۇ.iPhone ھەقىقىي مەنىدىكى «بارماق» دېسكاغا ئايلىنىدۇ.

بۇ دېتالنىڭ نامى Samba ، تېخى يىقىندا Cydiaدا ئاشكارا تارقىتىلغان ھەقسىز دېتال. بۇرۇن Linux，Mac OSۋە Windows قاتارلىق مۇھىتلاردا SMB كېلىشىمى ئارقىلىق «سۇپا ئاتلىغان» مەشغۇلاتلارنى قىلىشقا ئىشلىتىلگەن. تۆۋەندە iOS تە قانداق ئىشلىتىش توغۇرلۇق ئازراق سۆزلەي.

1. تۈرمىدىن قاچقان ئۈسكىنىگە ئاۋال ئالدىنقى تېمىدا تونۇشتۇرۇلغان SBSettings نى قاچىلاڭ.

2. Cydia غا apt.weiphone.com نى قوشۇڭ. Sambaنى قاچىلاڭ. ھەم رەسىمدىكىدەك Samba نىڭ ئوچۇقلۇقىغا كاپالەتلىك قىلىڭ، ۋە ئۈسكىنە IP سىنى خاتىرلەڭ. 

2. ئۈسكىنىدە 设置-Samba دېگەن تەرتىپتىن كىرىپ Samba نى ئېچىڭ، Enabledنى ئوڭغا سۈرۈڭ.ئاستىدىكى ئورۇنغا پارول كىرگۈزۈڭ(خالىغانچە)، ئاندىن  Change Passwordدېگەننى بېسىڭ(پارول كۆرۈنمەيدۇ. نورمال). رەسىمدىكىدەك.

 

3.كومپيۇتېرغا يۇقاردا ساقلىۋالغان IP نى كىرگۈزىمىز. شەكلى تۆۋەندىكىدەك بولىدۇ.

4. چىققان كۆزنەكنى تولدۇرىمىز. ئابونت نامى root ، پارولى 2-باسقۇچتا كىرگۈزگەن بىلەن ئوخشاش.

5.ئېچىلغان بەت دەل iPhone نىڭ بارلىق ھۆججەتلىرىنى ئۆز ئىچىگە ئالغان كۆزنەك.

 بۇ يەردە كۆك رەڭدە بويالغانلىرى 2- دەرىجىلىك مۇھىم قىسقۇچ (ئابونت قاچىلىغان قوللىنىلىشچان پىروگراممىلار بار).

ئۇنىڭ ئىچىدىكى Share قىسقۇچى بولسا 3-دەرىجىلىك مۇھىم بولۇپ ئابونت iPhone نى «بارماق دېسكا» قىلىپ ئىشلەتكەندە مۇشۇ يەرگە ھۆججەت ساقلايدۇ. ئۆچۈرۈشكە، يىزىشقا بولىدۇ.

قىزىل رەڭدە بويالغىنى 1-دەرىجىلىك مۇھىم ھۆججەت قىسقۇچ بولۇپ ھۆججەتلەرنى پەقەت كۆرۈشكە بولىدۇ، ئۆزگەرتىشكە بولمايدۇ(باشقىچە تەھرىرلەپ ئۆزگەرتىشكە بولىدۇ. بىراق خالاستان بىلوگى ئىشلەتكۈچى ئۈسكىنىسىنىڭ بىخەتەرلىكى سەۋەبلىك تەھرىرلەشنى تەشەببۇس قىلمايدۇ. ھەر قانداق ۋىرۇس مۇشۇ ھۆججەتنى ئۆزگەرتىپلا قويسا ئالما سىستىمىسى بۇزۇلۇشى مۇمكىن).

تۆۋەندىكى تەھرىرلەش ئېلىپ بىرىلمىغاندا سىستىما ھۆججەتلىرى (main readonly) ، ئابونت قاچىلىغان پىروگراممىلار (mobile readonly)، رەسىم ساقلاش مۇندەرىجىسى (camera readonly)لار پەقەت ئوقۇغىلى بولىدىغان، «بارماق دېسكا»  (share readonly) مۇندەرىجىسى ئوقۇغىلى يازغىلى بولدىغان ھالەتتە. ئىھتىياجغا ئاساسەن تەڭشەشكە بولىدۇ.

قوشۇمچە: ھۆججەت قىسقۇچلارنىڭ ھوقۇقىنى تەڭشەش جەريانى تۆۋەندە.

1. ../2321.html دىكى ھۆججەت باشقۇرۇش دېتالى تۈرىدىن بىرنى چۈشۈرۈپ قاچىلاڭ. i-Funbox تەشەببۇس قىلىنىدۇ.

2. iPhone نىڭ /etc/samba/smb.conf مۇندەرىجىسىدىن smbدېگەن ھۆججەتنى كۆچۈرۈپ كومپيۇتېرغا ساقلاڭ، ۋە خالىغان قۇرال (ياخشىسى خاتىرە دەپتەر) ئارقىلىق ئېچىڭ.

ئاندىن ماس ئورۇندىكى Read Only (ئوقۇشقىلا روخسەت) دېگەن تۈرلەرنىڭ ئۇدۇلىدىكى  Yes,No لارنى ئۆزگەرتىش ئارقىلىق يۇقارقى 5-باسقۇچتا كۆرسىتىلگەن ماس مۇندەرىجىلەرنىڭ ئوقۇشيېزىش ھوقۇقىنى تەڭشىگىلى بولىدۇ. رەسىمدىكىدەك.

يۇقارقى رەسىمدە كۆرسىتىلگەندەك، نەزەرىنىڭ ئۈسكىنىسىدە سىستىما ھۆججەتلىرى (main readonly) پەقەت كۆرگىلى بولىدىغان. ئابونت قاچىلىغان پىروگراممىلار (mobile readonly)، رەسىم ساقلاش مۇندەرىجىسى (camera readonly)، «بارماق دېسكا»  (share readonly)مۇندەرىجىسى ئوقۇپ يازغىلى بولىدىغان  قىلىپ تەڭشەلگەن.

كومپيۇتېرغا كۆچۈرگەن ھۆججەتكە تەھرىرلەش ئىلىپ بىرىپ بولغاندىن كىيىن ساقلاڭ ۋە ئەسلى مۇندەرىجىگە چىقىرىپ ئەسلىدىكى ھۆججەتنى قاپلىۋىتىڭ.

تۈرمىدىن قاچقانiPhoneغا چوقۇم قاچىلايدىغان دېتاللار(كونا1)

تۈرمىدىن قاچۇرۇش،،

ئالمىنى تۈرمىدىن قاچۇرۇشتىن مەقسەت ئۇنىڭ ئىقتىداردىن تولۇق پايدىلىنىش ئۈچۈن، ئەلۋەتتە. بىز يۇقىرى سەپلىمىلىك بۇ قاتتىق دىتال بىرلەشمىسىدىن تېخىمۇ ئەتراپلىق پايدىلىنىشى ئۈگىنىۋىلىشىمىز كىرەك.

تۈرمىدىن قاچۇرۇشنىڭ پايدىسىنى بۇ تېمىدىن كۆرگەيسىز.../445.html

تۆۋەندە مەن ئۆزۈمنىڭ ئۇزۇندىن بۇيانقى ئالما مەھسۇلات ئشىلىتىش تەجىربىسىگە ئاساسەن بىر نەچچە قولايلىق يۇمشاق دىتاللارنى تەۋسىيە قىلىمەن. بۇ يۇمشاق دېتاللارنى ئالمىغا تۈرمىدىن قاچۇرۇلغاندىن كىين قاچىلانغان دېتال cydia ئارقىلىق قاچىلاشقا بولىدۇ.

cydia ئشىلىتىش دەرسىلىكى ../928.html

تۆۋەندە ئىسمى ئاتالغان دېتاللارنى cydia نىڭ ئىزدەش كۆرنىكىگە كىرگۈزۈپلا ئىزدەپ قاچىلىسىڭىز تامامەن بولىدۇ.

1. SBSettings


بۇ دېتال بولسا مەن ئەڭ رازى بولغان ئالما باشقۇرۇش يۇمشاق دېتالى. ئالما نىڭ ئىكىران ۋە يىنىغا ئورۇنلاشتۇرۇلغان ئىقتىدار كۇنۇپكىلىرى ناھايتى چەكلىك. شۇڭا نۇرغۇن ئىشلارنى بىر باشتىن ئىزدەپ تېپىپ قىلىشقا توغرا كىلىدۇ. SBSettings دىگەن دېتال ئارقىلىق نۇرغۇن مەشغۇلاتنى بىرەر ئىنكاس ياكى ھالەتكە توغۇرلىغىلى بولىدۇ. مەسىلەن مەن ئالمانىڭ ئىكرانىدىن سائەتنى تۇتۇپ تۇرسام ناخشا قويغۇچ قوزغىلىدۇ، ئىكراننىڭ ئەڭ ئۈستىدە قولۇمنى ئوڭغا سۈرسەم كىيىنكى ناخشا، سولغا سۈرسەم ئالدىنقى ناخشا. ئىكرانغا قولۇمنى ئككى ئۇرسام wifi ئېچىلىدۇ، يەنە ئۇرسام ئېتىلىدۇ. يۇقىردىن تۆۋەنگە ئاستا سۈرسەم كىتاب ئوقۇغۇچ، تۆۋەندىن يۇقۇرغا سۈرسەم تور كۆرگۈ  ئېچىلىدۇ….. يەنە نۇرغۇن قوللىنىشچان ئىقتىدارلىرى بار. خەنچە كۆرۈنمە ھالەتتە ھەممىنى خالىغانچە تەڭشەشكە بولىدۇ. دېتالنى قاچىلاپ بولغاندىن كىيىن ئىكراندىكى سائەت بەلگىسى ئۈستىنى تۇتۇپ تۇرغاندا باشقۇرۇش بېتى ئېچىلىدۇ.

2.WinterBoard

بۇ دېتال ئادەتتە ئالماغا ئۆزگىچە تەگلىك ۋە ئىكران ئۈنۈمى ھاسىل قىلىدۇ. ئالما ئۆزى تەمىنلىگەن ئىكران ئۈنۈمى بىر نەچچە خىللا بولۇپ باشقا يانفونلارغا ئوخشاش ئىكران كۆرۈنۈشى، رەسىملەر، كۆزنەك ئۈنۈملىرىنى ئۆزگەرتىشتە چەك بار. تۈرمىدىن قاچۇرۇلغان كىيىن WinterBoard دېتالى ئارقىلىق cydiaتەمىنلىگەن چەكسىز ئىكران ئۈنۈملىرىدىن پايدىلغانلى بولىدۇ. بۇرۇن 91 چوماقچىسى ئارقىلىق بۇنداق ئىشلارنى قىلغانلار ئەمدى بۇ دېتال ئارقىلىق قىلسا ئەڭ ياخشى ئۈنۈمگە ئىرىشەلەيدۇ.

3.InfiniFolders

بۇ يۇمشاق دېتال ئارقىلىق ئىكرانغا تېخىمۇ كۆپ كۆزنەك پاتۇرغىلى بولىدۇ. ئالما نىڭ بىر بېتىدە 4*4=16 دانە كىچىك سىنبەلگە (قوللانما) سىغىدۇ. ئۇنىڭغا يەنە ھۆججەت قىسقۇچ قوشۇلسا، ھۆججەت قىسقۇچ ئىچىگە يەنە 3*4=12 دانە بالا سىنەلگە پاتىدۇ. InfiniFolders ناملىق بۇ دېتال ئارقىلىق ئىكرانغا خالىغان ساندىكى سىنبەلگىنى پاتۇرغىلى بولىدۇ. شۇنداقلا ھۆججەت قىسقۇچقىمۇ تېخىمۇ كۆپ سىنبەلگە پاتۇرۇشقا بولىدۇ.

4.MyWi


بۇ يۇمشاق دېتال ئارقىلىق iphone نىڭ 3G تورىدىكى سېگىنالنى wifi شەكلىدە باشقا wifi ئۈسكىنىلەرگە ئورتاق قىلىپ بەرگىلى بولىدۇ. بىلوگگېر نەزەرى ئادەتتە ئەڭ كۆپ ئىشلىتىدىغان ئىقتىدارلارنىڭ بىرى مۇشۇ. باشقا تورداشلارنىڭمۇ زامانىۋى ئۈسكىنىلەرنى ماسلاشتۇرۇپ ئىشلىتىپ يۇقىرى ئۈنۈمگە ئىرشىشى ئۈچۈن بۇ خىل چارىنى سىناپ بىقىشىنى ئۈمۈد قىلىمەن.

5.My3G


بۇ يۇمشاق دېتال بەزى قوللىنىشچان دېتللارنى ئالداش ئۈچۈن ياسالغان. يەنى ئالما دىكى بەزى يۇمشاق دېتاللار پەقەت wifi مۇھىتىدىلا ئىشلەيدۇ. مەسىلەن facetima. شۇڭا سىز 3G تورىدا تورىغا چىققان بولسىڭىز، لىكىن مۇناسىۋەتلىك دېتال پەقەت wifi مۇھتىدىلا ئىشلىسە، سىز بۇ دېتال ئارقىلىق ئۈسكىنىگە سۈنئىي wifi مۇھىتى بەلگىلەپ 3Gتوردىمۇ ھەممە يۇمشاق دېتالدىن ئۈنۈملۈك پايدىلىنىشنى ئىشقا ئاشۇرالايسىز.

iPhone ھۆججەت باشقۇرۇش دېتاللىرىدىن ساۋات

ئالما ساۋادى،،

iPhone ئىشلىتىپ باققانلارغامەلۇملۇقكى، iPhone نى تۈرمىدىن قاچۇرۇشتىن بۇرۇن سىستىما ھۆججىتى تۈگۈل ئابونتلار قاچىلىغان قولىنىلىشچان دېتاللارنىڭ بىرەر ھۆججەتلىرىگىمۇ ئۆزگەرتىش كىرگۈزۈشكە بولمايدۇ. Android قاتارلىق سىستىمىلارغا ئوخشىمايدىغىنى شۇكى، ھىچقانداق ئادەم apple نىڭ روخسىتىسىز يۇمشاق دېتال ئىجرا قىلالمايدۇ، يەنى apple ئۈسكىنىلىردە ئىجرا بولغان ھەر بىر قۇر كود apple نىڭ تەكشۈرىشىدىن ئۆتكەن بولىدۇ، ھىچقانداق تەرەپنىڭ (ھەتتا يۇمشاق دېتالنى ئاچقۇچىنىڭ) تارقىتىلغان يۇمشاق دېتالنى ئۆز ئالدىغا ئۆزگەرتىشگە روخسەت قىلىنمايدۇ.

 شۇڭا apple ئۈسكىنلىرى ئۈچۈن ئېچىلىپ appstore غا قويۇلغان 600مىڭغا يىقىن يۇمشاق دېتالدا قېتىپ قىلىش ياكى مەغلۇب بولۇش نىسبىتى 1% گە يەتمەيدۇ. مانا بۇنىڭ ئۆزى appleنى apple قىلغان، ئىستىمالچىلارنى مەھسۇلاتقا شۇنچىۋالا تەشنا قىلغان سىر! ئىنىقكى، apple مەھسۇلاتلىرىغا ئىشلىتىلگەن قاتتىق دېتالنى نۇرغۇن شىركەتلەر ئىشلىتەلەيدۇ، ئەمما غايەت كۆپ يۇمشاق دېتالنى ھازىرچە پەقەت apple لا شۇنداق سۈپەتلىك باشقۇرالايدۇ.

خوش، ئەمسە بىز تۈرمىدىن قاچقان ئۈسكىنە ئۈچۈن ھۆججەت باشقۇرۇش (يېزىش، ئوقۇش، ئۆچۈرۈش) مەشغۇلاتى قىلىدىغان بىر نەچچە دېتالنى تونۇشتۇرۇپ ئۆتەيلى. ئىھتياجغا ئاساسەن تاللاپ ئىشلەتسەك كۇپايە.

1. i-funbox. بۇ يۇمشاق دېتالنى مەن ياقتۇرۇپ ئىشلىتىمەن. دۇنيادا مۇشۇ تۈردىكى دېتاللار ئېچىدە ئىشلىتىش نىسبىتى ئەڭ يۇقىرى، باھامۇ ئەڭ ياخشى.ھۆججەت باشقۇرۇشرىن سېرىت يەنە ئۈسكىنىنى بارماق دېسكا قىلىپ ئىشلىتىش،IPA فورماتىدىكى دېتاللارنى قاچىلاشئۆچۈرۈش قاتارلىق ئىقتىدارلارنى ھازىرلىغان. چۈشۈرۈش ئادىرسى http://i-funbox.com/

2. iTools . جوڭگولۇقلار ياسىغان يۇمشاق دېتال. ئىشلىتىش يۈزى ئاددى، ئىقتىدارى كۆپ، ئەمما تولا نەشىر يىڭىلاپ باش ئاغرىتىدىغان دېتال. ئىشلىتىش ئۇسۇلى ۋە چۈشۈرۈش ئادىرسى

3. «91 چوماقچىسى» 91手机助手نى كۆپىنچى يىڭىلار ئىشلىتپ باققان.بۇ دېتالنىڭ «لۈكچەك» خاراكتىرى بولغاچ ئىشلىتىش تەۋسىيە قىلىنمايدۇ. لىكىن يىڭى ئۇچراشقانلار ئۈچۈن يەنىلا يامان ئەمەس تاللاش.

4.MobileFinder. يۇقاردا تونۇشتۇرۇلغان دېتاللارغا يانداش بولۇپ، ئىقتىدارى مۇكەممەل ئەمەس، ئەمما ئاددى. http://www.onegreen.org/iPhone/HTML/5114.html

5. Mobile Squid بۇ دېتالنىڭ ئىقتىدارى ھۆججەتلەرنىڭ خاراكتىرىھوقۇقىنى تەڭشەش.

6. iFile . بۇ دېتال iPhone غا قاچىلىنىدىغان بولۇپ تۆۋەندىكى تېمىدا ئىشلىتىلىشى ھەققىدە بىر قەدەر تەپسىلىي مەلۇمات بار. ../2150.html

7. iDos بولسا iPhone غا قاچىلىنىدىغان Disk Operating System بولۇپ خۇددى كومپيۇتېردا ئىشلەتكەندەك، ئۈسكىنىنىڭ ئىچكى ھۆججەتلىرىنى زىيارەت قىلىشقا بولىدۇ.يىڭى ئۆگەنگۈچىلەرگە ماس كەلمەيدۇ.2000-يىللاردىن بۇرۇن كومپيۇتېر ئۆگەنگەنلەرگە بۇ خىل قارا ئىكرانلىق دىسكا مەشغۇلات سىستىمىسىنىڭ بۇيرۇقلىرى يادا. بۇ دېتالنى Cydia دىن قاچىلاشقا بولىدۇ.

iPhone 5 ھەققىدە پەرەزلەر

APPLE،

ئالما(Apple Inc.) شىركىتىنىڭ ھەر بىر مەھسۇلاتى ھازىر تەھلىلچىلەرنىڭ «جۆيلۈپ ئويناش»ىغا ئەڭ خوش ياقىدىغان ئەرمەك بولۇپ قالدى. دېمىسىمۇ ھەممە ئادەم Apple دەپلا يۈرگەن ئىكەن، ئادەتتىكى بىر تېلفونمۇ مۇشۇنداق ھەممە دىققەت قىلىدىغان نوقتىغا ئايلىنىپ قالىدۇ.

نۆۋەتتە تور دۇنياسىدا Appleنىڭ كىيىنكى ئەۋلاد iPhone ھەققىدىكى قاراشلار ساماندەك. ئەلۋەتتە خالاستان بىلوگىمۇ ئۆز يولىدا تورداشلارغا پەرەزى ئۇچۇرلىرىنى تەمىنلەپ تۇرغان. تۆۋەندە بۇ ھەقتە بىر قەدەر پۇت تىرەپ تۇرالايدىغان قاراشلارنى رەتلەپ ۋە مەن نەزەرىنىڭ پەرەزلىرىنى قوشۇپ يازما تەييارلاپ چىقتىم. Apple مەھسۇلاتلرىغا كۆز تىكىۋاتقانلارغا ئاز تولا پايدىسى بولار. ئەمىليەتتە بۇ پەرەزلەرنى ۋاقتى كەلگەندە Stave Jobs ئېلان قىلسىلا راست-يالغىنى ئايرىلىدۇ.

1. كىيىنكى ئەۋلاد iPhone نىڭ نامى iPhone 4Sبولىدۇ. خۇددى 2-ۋە3- ئەۋلادقا ئوخشاش پەقەت نەشىر كۆتۈرشكە ئوخشايدۇ. ئىقتىدارى ئاشىدۇ، ئەمما چوڭ ئۆزگىرىش كۆرۈلمەيدۇ. بۇ يەردىكى S دېيىلگىنى speed يەنى سۈرەتنى كۆرسىتىدۇ.

2. iPhone نىڭ ئىكرانىدا ئارتۇقچە ئىقتىدار كۇنۇپكىلىرى قوشۇلمايدۇ، ھازىرقى ھالىتىنى ساقلاپ ئاۋاز كونتىرول ۋىكلىيۇچاتىلىغا ئىغىرلىق سەزگۈچ ۋىكلىيۇچاتىلىنى بىرلەشتۈرىدۇ.

3. قاتتىق دېتالى ياخىشلىنىدۇ. A5 تىپلىق CPU سەپلىنىدۇ، 8مىليۇن پېكسوللىق ئىنىقلىتىكى سۈرەت سەزگۈچ كۆزى ئىشلىتىلىدۇ.

4. ئىكراننىڭ پۈتۈن قىسمىغا سەزگۈچ نوقتا ئورنىتىلىدۇ. ئىكران چوڭىيىدۇ.

5. يىقىن ئارىلىق سىمسىز ئالاقە تېخنىكىسى  (NFC) ئورنىتلىدۇ. بۇ ھەقتە خالاستان بىلوگىدىن بايان.

6. apple شىركىرى بەلكىم ئىككى خىل iPhone ئېلان قىلىشى مۇمكىن. سەپلىمىسى ئوخشاش ئەمما  چوڭ-كىچىكلىكى ئازراق پەرقلىق.

7. مۇشۇ يىل 9-ئايدا ئېلان قىلىنىشى مۇمكىن. 10-ئايلاردا جوڭگوغا كىرىشى مۇمكىن.

8. CDMA2000 نۇسخىدىكى iPhone5 كىيىنرەك ئېلان قىلىنىدۇ، ھەمدە جوڭگوغا مۇشۇ يىلنىڭ ئاخىرىدا كىرىدۇ. تېلېگىراف خەۋەرلىشىش ئابونتلىرىغا خوش خەۋەر كىيىنرەك…

9. جوڭگونىڭ ئۆزى ئاچقان،TD-SCDMA ئۆلچىمىدىكى 3G تورىغا ماس iPhone بۇ يىل بازارغا كىرمەيدۇ. كۆچمە خەۋەرلىشىشمۇ TD-SCDMA نىڭ دەرىجىسىنى بىراقلا TD-LTE غا كۆتۈرۈپ iPhone4G دېگەن نامدا كىلەر يىلنىڭ ئوتتۇردا ئېلان قىلىشى مۇمكىن.

10. كىلەر يىلى Apple تۆۋەن سەپلىمىلىك iPhone ئېلان قىلىپ ئوتتۇرا قاتلام ئىستىمالچىلارغا يۈزلىنىشى مۇمكىن (مۇمكىنچىلىكى كىچىكرەك).

iPhone نىڭ كۆكچىش(BlueTooth)نى يېشىش ئۇسۇلى

ئالما ساۋادى،،،

كۆكچىش(BlueTooth)نى(خەنچە 蓝牙) نۇرغۇنلىرىمىز ئاڭلاپ باققان. شۇنداقلا بازاردىكى 20 سوملۇقتىن 20000 سوملۇققىچە بولغان تېلفونلاردا ئاساسەن ئوموملاشتى، باشقا ھەركەتچان ياكى بىقىندى ئۈسكىنىلەرمۇ بۇ خىل مۇھىت
نى ئىشلىتىۋاتىدۇ. لىكىن ئالما مەھسۇلاتلىرىدىكى كۆكچىش(BlueTooth) بىر قەدەر ئالاھىدە بولغانلىقتىن يىڭى ئۆگەنگۈچىلەر تۈگۈل پىشقان ئالمىچىلارمۇ تولۇق پايدىلىنىپ بولالمىدى.

Appleنىڭ قايسى خىل مەھسۇلاتى بولىشىدىن قەتئىينەزەر، ئاساسەن دېگۈدەك كۆكچىش(BlueTooth)نى ئۆز ئىچىگە ئالغان بولىدۇ. بۇنىڭ بىرىنجى سەۋەبى، دەل كۆكچىش تېخنىكىسىنىڭ نۆۋەتتىكى بىر قەدەر پىشقان يىقىن ئارىلىق ئۇچۇر يەتكۈزۈش كىلىىشمى بولغانلىقى بىلەن مۇناسىۋەتلىك. ئىككىنچدىن، كۆكچىش(BlueTooth) ئۈسكىنىلىرىنىڭ تەننەرخى تۆۋەن. ئۈچىنچىدىن، بۇنداق ئۈسكىنىلەرنىڭ ئۆزئارا قوللاشچانلىقى ياخشى، قوللىنىلىش دائىرسى كەڭ.تۆتىنچدىن، كۆكچىش(BlueTooth) ئىشلىتىدىغان سىگىنالنىڭ قاپلاش دائىرسى يىتەرلىك، شۇنداقلا بۇ سىگىنالنىڭ چاستوتىسى ھەقسىز، ھىچقانداق ئورۇنغا ھەق تۆلىمەيلا بۇ چاستوتىنىڭ ئىشلىتىش ھوقۇقىغا ئىرىشكىلى بولىدۇ.

appleمەھسۇلاتلىرى ئامىركانىڭ «ئۈن-سىن بۇيۇملىرى نەشىر ھوقۇقىنى قوغداش نىزامى» دىكى بەلگىلىمە ۋە شىركەت ئۆزىنىڭ نەشىر ھوقۇقى تۈزۈمى بويىچە ھۆججەت كۆچۈرۈش مەشغۇلاتى چەكلەنگەن. لىكىن تىڭشىغۇچقا ئۇلاپ ئاۋاز ئۇزۇتۇشقا ياكى تور سېگىنالىنى ئورتاق تارقىتىشقا بولىدۇ.

تۈرمىدىن قاچۇرۇش قانۇنلۇق دەپ ئېلان قىلىغاندىن كىيىن نۇرغۇن 3-تەرەپ يۇمشاق دېتاللىرى بارلىققا كەلدى. ئاساسلىقى BlueTooth IM ,BlueTooth Image ,BlueTooth logo theme,  BlueTooth Mode, BlueToothToy…. دېگەندەك. ئىقتىدارلىرى ھەرخىل، بۇ يەردە ھەممىنى تەھلىل قىلىپ ئولتۇرمايمىز، زۆرۈر بولغاندا ئۇدۇللۇق تەھلىل قىلساق كۇپايە . ئالما مەھسۇلاتلىرىنىڭ قاتتىق دېتال سەپلىمىسى يۇقىرى، شۇڭا ئۈسكىنىدىن ئۈنۈملۈك پايدىلىنىش ئۈچۈن ئېچىۋىتىلگەن يۇمشاق دېتاللاردىن كۆپرەك پايدىلىنىپ ھاجىتىمىزدىن چىقىشقا تىرىشىمىز.

مەن تۆۋەندە كۆكچىش(BlueTooth) دىن پايدىلىنىپ iPhone, iPodTouch, iPad دا ئادەتتىكى تېلفونلارغا ئوخشاش ھۆججەت كۆچۈرۈش مەشغۇلاتى قىلىشنى تونۇشتۇرىمەن. تەپسىلىي بولسۇن ئۈچۈن باسقۇچقا كۆپ بۆلىۋەتتىم، ئەمما ئوڭاي.

1. ئۈسكىنە چوقۇم تۈرمىدىن قاچۇرۇلغان بولسۇن. دەرسلىكنى بۇ يەردىن كۆرۈڭ.

2. Cydia غا apt.178.com ئادىرىسلىق مەنبەنى قوشۇڭ. دەرسلىكنى بۇ يەردىن كۆرۈڭ ، شۇنداقلا تۆۋەندىكى دېتاللارنى ئىمكان بار مۇشۇ مەنبەدىن قاچىلاڭ.

3. Cydia دىن نۆۋەتتىكى ئەڭ ياخشى مەشغۇلات باشقۇرۇش دېتالى sbsettings نى قاچىلاڭ. دەرسلىك . بۇ دېتالنىڭ ئىقتىدارى ناھايتى كۆپ، خالاستان بىلوگىمىز بۇرۇنمۇ تەشەببۇس قىلغان يەنە ئىزچىل تەشەببۇس قىلىدۇ. تۆۋەندىكى باسقۇچلارنى تاماملىمىغاندا بۇ دېتال ئارقىلىق iPhone, iPodTouch, iPad نىڭ ھەر خىل ئىقتىدارلىرىنى بىۋاستىلا كونتىرول قىلغىلى بولىدۇ.

4. Cydia دىن ھۆججەت مەشغۇلاتى دېتالى iFileنى قاچىلاڭ. بۇ دېتالمۇ ھۆججەت مەشغۇلاتى ساھەسىدە ئەڭ ياخشى ھىسابلىنىدۇ. iPhone ئىچىدىكى ھەرقانداق ھۆججەتنى خالىغانچە تەھرىرلىگىلى، ئۆچۈرۈش-كۆچۈرۈش مەشغۇلاتى قىلغىلى بولىدۇ. بۇ ھۆججەتنىڭ چوڭ كىچىكلىكى 2.9MB

ئەگەر تۆۋەندىكى باسقۇچلارنى تاماملىمىغاندا بۇ دېتال ئارقىلىق iPhone, iPodTouch, iPad قاتارلىقلارغىلا ھۆججەت يوللاشقا بولىدۇ.

5. Cydia دىن يۇقارقى دېتاللارنىڭ قوللىشى ئاستىدا ئىشلەيدىغان ، كۆكچىش(BlueTooth) باشقۇرۇش جەھەتتە ئەڭ قولاي دېتال Celeste نى قاچىلاڭ.

6. ئۈسكىنىنى قايتا قوزغىتىڭ.

7. iPhone نىڭ 设置-通用-蓝牙 دېگەن بەلگىلەش تاللانمىسىدىن كۆكچىش نى تاقىۋىتىڭ. ئىكراندىكى باتارىيەنىڭ يىنىغا كۆكچىش بەلگىسى چىقىۋالمىسىلا بولىدۇ.

8. ئىكراندا سائەتنىڭ بەلگىسىنى قوش چەكسىڭىز رەسىمدىكىدەك ئىقتىدار تاللانما كۆزنىكى چىقىدۇ. بۇ يەردىن Celeste نى ئاچىسىز(يىشىل رەڭ ئوچۇق). ئەسكەرتىش: ئالدى بىلەن Cydia نىڭ ئىچىدىن Sbsettings نىڭ قاچىلانغانلىقىغا كاپالەتلىك قىلىڭ. ئاندىن ئىكرانىدىكى سائەت تەگلىكى رايونىدا قوش چېكىڭ، ئوڭ-سولغا سۈرۈڭ،ياكى بېسىپ تۇرۇپ… چوقۇم بىر خىل ھالەتتە قوزغىلىدۇ.

9. iFileنى ئېچىپ يوللىماقچى بولغان ھۆججەت (ھۆججەت قىسقۇچ بولسا پىرىسلاڭ!) نى تاللاپ ئۈستىدە بارماقنى توختاتسىڭىز بىر ئىقتىدار تېزىملىكى چىقىدۇ.

بۇ تاللاشتىن 选择 نى تاللاپ چىققان بەتنىڭ ئاستىدىن رەسىمدىكىنى تاللايسىز.

كىيىنكى قەدەم

ئەمدى ئۈسكىنە ئەتراپىدىكى 蓝牙 ئېچىلغان ئۈسكىنىلەرنى ئىزدەيدۇ. ۋە سىز بىرنى تاللىغاندىن كىيىن تۆۋەندىكى رەسىمدەك

جەزىملەشتۈرگەندىن كىيىن يۇقاردا كۆرۈنگەن نومۇرنى ھۆججەت يۆتكىمەكچى بولغان ئۈسكىنىگە تولدۇرسىڭىزلا ئىش تامام.

قوشۇمچە:

بۇ دېتالدا تۇرۇپ يەنە باشقا ئۈسكىنىلەردىن ھۆججەت قوبۇللاشقىمۇ بولىدۇ. تەرتىپى يۇقارقى تەرتىپتىكى 9- قەدەمگىچە(iFileنى ئاچقان ھالەت) بولىدۇ.باشقا ئۈسكىنىدىن يوللايمىز. قوبۇل قىلغان ھۆججەتلەر /var/mobile/received دە بولۇپ، ئىھتىياجىمىزغا ئاساسەن يۆتكەپ ئىشلىتىمىز.

قوشۇمچە2:

8-باسقۇچتا تاللاش ئىناۋەتسىز بولىۋالغانلار

http://dl.dbank.com/c0xe0n1mi1

ئۇلىنىشتىن

mobilesubstrate_0.9.3367-1_iphoneos-arm.deb دېتالنى چۈشۈرۈپ


دە كۆرسىتىلگەن ئورۇنغا قويۇپ ئۈسكىنىنى قايتا قوزغاتقاي.

[مۇڭ] شادلىق قەسىدىىسى–يۈرەك قەسىدىسى

بىر مۇڭ

ئەسسالامۇ-ئەلەيكۇم خالاستان بىلوگىنىڭ ئەزىز ئىشتىراكچىلىرى!

نەزەرى يىقىندىن بىرى ھىسىيات تەڭشەش، ئۆزلۈكنى تونۇش، ئوقۇش پۈتتۈرۈش، ئۆي كۆچۈش، رەتلەش، تاماق ئېتىشنى ئۆگىنىش… دىگەندەك غەيرى رەسمىي پائالىيەتلەرنىڭ داغدۇغىسىدا بىلوگقا كۆپ نەرسە يوللىيالمىدى. كىچىك بىلوگ بولىشىغا قارىماي كەڭ تورداشلارنىڭ قىزغىن قوللىشى كۆيۈنىشى نەتىجىسىدە يەنىلا يۇقىرى زىيارەت مىقدارىنى ساقلاپ كېلىۋاتىدۇ، شۇڭا ئالدى بىلەن ھەر بىر زىيارەتچىنىڭ قەدىمىگە رەھمەت ئېيتىمەن. ھەرقانداق نەرسە قەدىرلەشكە، ئىتىراپ قىلىشقا ئىرىشىشكە تەشنا بولىدىغان ئوخشايدۇ… خالاستان بىلوگىمۇ «ئىلىمنىڭ زاكىتىنى بېرىش» روھى بويىچە داۋاملىق-قەرەللىك يىڭىلىنىپ تۇرىدۇ.

خوش، تېمىغا قايتساق، مەن تۇرغان ئۆي بېيجىڭنىڭ شەھەر ئىچى قاتناش مەركىزىگە ناھايتى يىقىن بولغاچ كۆپىنچە شۇ يەردىن ماشىنا ئالمىشىپ باشقا يەرلەرگە بارىمەن. ئالدىنقى ھەپتىدىن تارتىپ شۇ يەردىكى يەر ئاستى ئۆتۈشمە يولدا بىر ھادىسىگە دىققەت قىلدىم. دەسلەپتە شۇ يەردىن ئۆتكەندە ئۆتۈشمە يولدىلا ئىككى ياشنىڭ ئالدىغا باش كىيىمىنى قويۇپ گېتتار چېلىپ ناخشا ئېيتىپ  «جاھاندارچىلىق» قىلىۋاتقىنىنى كۆرگەن. ئەتىسى قارىسام باشقا بىر ئوغۇل بالا ئېغىز گارمونى چېلىۋىتىپتۇ، يەنە بىر كۈنى بىر قىزنىڭ ئىسكىرىپكا چالغىنىنى كۆردۈم. شۇ ئەسنادا مەنمۇ ئۆزۈمنىڭ بۇنىڭدىن كىيىنكى تۇرمۇش يۆنىلىشىم، كىشىلىك تاللىشىم، بۇرۇختۇرما خىياللىرىمغا بىر جاۋاب تاپقاندەك بولدۇم. ھاياتلىقتا يول كۆپكەن. ماڭىمەن دېسەك يول ھەقىقەتەن نۇرغۇنكەن. ئاشۇ كۈنلەردە كاللامدىن پۈتۈن ھىسياتى بىلەن مۇزىكا ئىجاد قىلىۋاتقان Ludwig Von Beethoven، تۇغما تالانىتلىق مۇزىكانت Wolfgang Amadeus Mozart، ھايات مۇزىكانت Elvis Costello، بىزنىڭ پەخىرلىك سەنئەتكارىمىز، «تامبۇر شاھى» نۇرمۇھەممەت تۇرسۇندىن تارتىپ رەسىم ئىمتىھانىدىن ئۆتەلمەي غەمكىن يۈرگەن Adolf Hitler، يەنە ئۆزۈمنىڭ كىچىكلىكتىكى ئارزۇيۇم__Pianist بولۇشقىچە، ئۇتۇق قازانغان مىلياردېرلار، دۇنياۋى ھۆرمەتلىك شەخىسلەرنىڭ ئوبرازىنىمۇ  بېشىمدىن بىر نەچچە ئۆتكۈزۈپ ئۈلگۈردۈم.

غىرىپ «سەتئەنكار»لارغا قاراپ تۇرمۇشنىڭ نەقەدەر گۈزەللىكىنى، ئىنىقسىزلىقىنى قايتا ھىس قىلدىم. مۇزىكىۋى ئاڭلار كاللامنى ھەر ياقلارغا قايدۇردى. شۇڭا بۈگۈن مۇزىكا ھەققىدە كۆپرەك جۆيلۈپ باقتىم. كەچكىچە computer，Network，Telecommunication，apple program,English,Exam… دېگەنلەرنى ئويلىغان كاللا music ئۈچۈن ئارزاق ئىشلەپ قويغاي. مەنچە تۇرمۇشنىڭ ئۆزى بىر سەنئەت. ئىنسان ۋە جىسىم تەبىئىتىدىكى گۈزەللىكىدىن ھوزۇرلىنىشقا، ھوزۇرلاندۇرۇشقا، بىغۇبارلىقىدىن شادلىنىشقا ھەتتا نادانلىقىدىن پەخىرلىنىشكە، ۋىجدانسىزلىقدىن ماختىنىشقا، رەزىللىكىدىن ئىپتىخارلىنىشقا مۇمكىن بولىدىغان سەنئەت! قانداق سەنئەت ئەسىرى ياساش ھەر بىر ئەقىل ئىگىسىگە بىرىلگەن ھوقۇق. ئىسلامى، ئەخلاقى، ۋىجدانى پىرىنسىپ بويىچە ياسالغان ئەسەر ئەلۋەتتە ئىككىلا دۇنيادا ئۆز ھۆرمىتىنى تاپىدۇ.

ئاشۇ كوچىلاردا، يەر ئاستى ئۆتۈشمىلەردە، مىترولاردا ماڭا ئۇچرىغان سەيياھ سەنئەتكارلارغا قاراپ تۇرمۇشنىڭ ھەقىقەتەن رەڭدارلىقىنى قايتا تەن ئالىمەن. ئۇلارنىڭ غالىپلىق، غىرىپلىق، سەيياھلىق، ئۈمۈدۋارلىق ۋە قەيسەرلىك ئارلاشقان چىرايىدىن ھاياتنىڭ «چىنلىقنىڭ ئارلاشمىسى» ئىكەنلىكىگە ئىشىنىمەن. مەن كىچىكىمدىن «دۇنياغا سەنئەتكارنىڭ كۆزى بىلەن قاراش» قا ئىرادە قىلغاچ نۇرغۇن ئىشلارنى مۇشۇ نوقتىدىن چېقىپ چۈشىنىشكە تېرىشىمەن. شۇڭا مىنىڭ تۇرمۇشۇم دولقۇنلىنىپ تۇرغان دىڭىزدەك شاۋقۇنغا، ھاياجانغا، ئۈمۈدكە، تىنماي تىرىشىش روھىغا باي. ئاخشىمى كۆز يۇمۇش ئالدىدىمۇ بىر كۈنلۈك ھايات خاتىرەمنى سەنئەت لوگىكىسى بويىچە قايتا رەتلەيمەن.

تۈنۈگۈن يەنە شۇ يەر ئاستى يولدىن ئۆتىۋىتىپ بىرقىزنىڭ ساكېس （Natural Horn）تا چالغان مۇزىكىسىغا زوقلىنىپ تۇرۇپ قاپتىمەن. مىنىڭ ھاياتىمدا مۇھىم ئۆزگىرىشلەرگە سەۋەب بولغان بىر مۇزىكىنى شۇنداق بىر «جان بېقىش كويىدا» يۈرگەن سەيياھنىڭ ۋاستىسىدە قايتا ئاڭلىدىم. شۇنچىلىك مۇڭ بىلەن چېىلىنغان ئىدىكى مەندىن باشقا يەنە نۇرغۇن كىشى ئەتراپىدا تۇرۇپ ئاڭلىدى. شۇ ئەسنادا بۇ مۇزىكىنىڭ ھاياتىمدا بۇرۇلۇش ھاسىل قىلغان مىنۇتلىرى كۆز ئالدىمغا كەلدى…

نۆۋەتتە: مۇزىكىنىڭ ئاددى كونسىرىتتا ئورۇندىلىشى.

Close[MP3]

21-ئەسىرنىڭ تۇنجى يىللىرى مەن تولۇقسىزدا، مىنىڭ نەدىكى كونا-بۇزۇق ئېلىكتىرونلۇق نەرسىلەرنى تېپىپ كېلىپ چۇۋۇپ ئويناشقا ئامراق ۋاقىتلىرىم، دەرس بىلەن ھەپسىلەم يوق، مۇئەللىم رەنجىمىسلا مىنىڭ نەتىجەمنى كۆرگۈممۇ كەلمەيتتى. قىزلارمۇ «بۇزۇق سائەت» دەپ تىرىكتۈرەتتىيۇ قانداق نەرسىسى بۇزۇلسا ئۇدۇل ماڭا يالۋۇرۇپ ئوڭشىتاتتى، مۇشۇنداق تەكرارلىقلار ئېچىدە ۋاقىتمۇ «غەمسىز» ئۆتەتتى. مەنمۇ نىشانسىز قىيىقتەك خالىغان شاۋقۇنغا سەكرەپ باقاتتىم. بىر كۈنى ياندىكى سىنىپتىن شۇنداق موڭلۇق بىر مۇزىكا ئاڭلاندى. ئەزەلدىن بۇنداق تېنىچلانمايدىغان مەن ئىشىمنى قويۇپ تولۇق ئاڭلاپ چىقتىم. شۇ چاغدىكى ھىسىياتىمنى ئىپادىلەشكە تىلىم ئاجىزلىق قىلىدۇ. ئەينى چاغدا كاللامغا كەلگىنى بەلكىم ئۈمۈدتۇ، بەلكىم روھلىنىشتۇ، ياكى بەلكىم ئىللىقلىقتۇ يەنە بەلكىم خىيالچانلىققا، ھىجرەتكە تولغان كەلگۈسۈمدۇ….كىيىن مۇزىكا مۇئەللىمىز بۇ ناخشىنى بىزگىمۇ ئېيتىشنى ئۆگىتىپ قويدى. بۇ ناخشا مىنىڭ 18يىللىق مەكتەپ تارىخمدىكى بىردىنبىر سۆيۈنۈپ ئۈگەنگەن سەنئەت تۈرىدىكى نەرسەمكەن. شۇنىڭدىن ئىتىۋارەن مەن «رىمونۇتچى» لىقنى تاشلاپ مەخسۇس مۇشۇ مۇزىكىنى ئاڭلاپ ئولتۇرۇپ geometria ۋە algebra دىكى ئەڭ تەس مەسىلىلەرنى يېشىدىغان «كىتاب خالتىسى» غا ئايلاندىم.

شۇ تەرىقىدە يىرىم يىللار ئۆتتى، مەن دەرستىن چۈشۈپلا مۇشۇ مۇزىكىنى ئاڭلىغاچ مەسىلە يېشىپ ئولتۇرۇپ كەتسەم كەچ كىرگەننىمۇ تۇيماي قانچە رەت بىنا ئىچىدىن چىقالماي قالاتتىم. لىكىن مۇشۇ مۇزىكىنى ئاڭلاپ ساراڭدەك ئولتۇرۇپ بىر نەچچە سائەتلىك ئەمەس ئايلىق دەرسلەرنى ئالدىنئالا ئۆگىنىپ بولاتتىم. كىيىن يىللىقلار بويىچە بىرىنچى بولۇپ تولۇققا چىقتىم… شۇ تەرىقىدە ناخشا ئاڭلاپ يۈرۈپ ئالىي مەكتەپ ئېمتىھانىدىنمۇ ناھىيەمىزنىڭ تارىخىي رىكوردىنى بۇزۇپ (ھازىرمۇ ساقلاقلىق) ئۆتۈۋالدىم.

كىيىن تەييارلىق ئوقۇشقا كەلدۇق. ئوقۇشمۇ سۆرۈن، بىسىم ئاز، ئېمتىھاندىن مۇئەللىملەر ئۆتكۈزۈشنى ئويلىسىلا ئۆتۈپ كېتەتتۇق. ئەينى چاغدا مەن π نىڭ قىممىتىنى يادلاپ يۈرگەن ۋاقىتلار، كۆڭلۈمدە چوقۇم ياپونىيەنىڭ toyota شىركىتىدىكى π نىڭ قىممىتىنى يادلاپ دۇنياۋى رىكوردنى ياراتقان ئاداشقا جەڭ ئىلان قىلىمەن دەيتتىم. شۇ كۈنلەردە مەن ماڭا ئوخشاش بۇ مۇزىكىغا ئامراق بىر خەنقىز بىلەن تونۇشتۇم. ئۇ قىز مەخسۇس مۇزىكىنىڭ رەسمىي «ساراڭ»ى بولۇپ، بۇ مۇزىكىنىڭ 8 خىل تېكىستىدىن ھالقىپ ھەتتا نوتىسىنى ئالدى-كەينى، كىۋادىراتى، كۇپى… دېگەندەك تەرتىپلىرى بويىچە يادا ئالغانىكەن.

يىنىك مۇزىكا نىڭ چۈشۈرۈش ئادىرسى

بىر كۈنى پاراڭلىشىپ ئۇنىڭ ماڭا يىقىن بىر دوختۇرخانىدا ئىكەنلىكىنى بىلىپ «ئېغىزتىلى مەشىق» قىلىمەن دېگەن ئويدا يوقلاپ باردىم. ئىككى مۇزىكا سارىڭى بۇ مۇزىكىنى تەھلىل قىلغانمۇ بولدۇق، «ئېغىزتىلى مەشىق» نىمۇ يامان ئەمەس قىلغان بولدۇم. گەپتىن گەپ چىقىپ ئۇنىڭ كىسىلىنى سوراپ ئۇقتۇمكى، ئۇنىڭ بەزى ئالامەتلىرى مىنىڭ بەدىنىمدىكى بەزى «ئۇششاق ئىشلار» دەپ ئويلىغانلار بىلەن ئوخشاشكەن. چاقچاق قىلىپ سىستىراغا تەكشۈرتۈپلا ھەيران قالدىم… بىردەمدىلا مىنى جىددى قۇتقۇزۇشقا ھازىرلا بېرىشقا بۇيرۇدى. مەن ساق كەلگەن ئادەم بىردەمدە ياتاققا ئېلىندىم… دوختۇرلار ئەتراپىمدا ئالدىراش تەكشۈرۈشلەر بىلەن، مەن ئىشەنگىم كەلمەي تېخىچە ھەيرانلىقتا، ھاڭۋاقماقتىمەن… قۇلاق تۈۋىمدە خۇددى يەنە شۇ مۇزىكا. دوختۇرلارنى ئالداپ ئۆيدىكىلەر بىلەنمۇ ۋېدالاشقان بولدۇم… شۇ باھانىدە «ئەلگەككە بارغان يەردە ئەرگە تېگىپ» دوختۇرخانىدا 1 ئاي يېتىپ، 2 يىل تەييارلىقتا قىلالمىغان ئىش– «ئېغىزتىلى مەشىق»نى قىلدىم. π نىڭ قىممىتىنى يادلاشمۇ قالدى. ئۇ قىزنىڭ كىسىلى جىددى خاراكتىرلىك بولغاچ مەن دوختۇرغا كىرىپ 10-كۈنى ئۇ دۇنياغا كەتكەن بولدى. مىنىڭ كىسىلىم ئاستا خاراكتىرلىك بولۇپ، ياراتقۇچىمىز ئەزرائىلغا تېخى بۇيرۇق قىلمىغاچ شۇ چاغدا ساقىيىپ ھازىرغىچە كۈننىڭ سىرىقىنى كۆرۈۋاتىمەن.

«تۇرمۇش» رومانىمنىڭ ئورگىنالىنى مۇشۇ يەردە ئاخىرلاشتۇرۇپ ئاشۇ مۇزىكىنى دوستلارنىڭ ھوزورىغا سۇناي…

مۇبارەك مۇزىكىنىڭ نامى–شادلىق قەسىدىسى –欢乐颂–An die Freude

نۆۋەتتە «پىئانىنو شاھى» 理查德·克莱德曼(Richard Clayderman) نىڭ ئورۇنلىشىدا.

Close[SWF] - 欢乐颂

ھەممەيلەننىڭ كۆڭلى شادلىققا تەلپۈنسۇن، شادلىقتىن بەھىرلەنسۇن، شادلىققا شادلىقداش بولسۇن! ئىشەنچ، ئۈمۈدنىڭ ئاخىرقى مەنزىلى ______ شادلىق!
بۇ مۇزىكا داڭلىق كومپۇزېتور بېتخوۋن(Ludwig Von Beethoven) تەرىپىدىن 席勒 نىڭ شۇ ناملىق شىئىرىغا ماسلاشتۇرۇپ 1785 ئىجاد قىلىنغان.

رەسىمدە: Ludwig Von Beethoven بىتخوۋېن

رەسىمدە: 约翰·克里斯托弗·弗里德里希·冯·席勒（Johann Christoph Friedrich von Schiller

بۇ مۇزىكىنى مەن 1999-يىلىدىن تارتىپ ئاڭلىغان.

2003-يىلى ياۋروپا ئىتتىپاقى تەرىپىدىن «ياۋروپا ئىتتىپاقى ناخشىسى» قىلىپ بىكىتىلگەن .

رەسىمدە:  «ياۋروپا ئىتتىپاقى ناخشىسى» ئېلان قىلىنىشى

 

ئەينى چاغدا بىز ئۆگەنگەن تىكىستى ھىلىمۇ يادىمدا:

پاك-گۈزەل شادلىق ئىلاھى نۇر چاچتى كەڭ ئالەمگە،

تولۇپ ئاتەشكە قەلبىمىز كەلدۇق بۈيۈك قەسىرگە.

قۇدرىتىڭىز ئىنسانلارنى ئىناقلىققا يىتەكلەر،

ئىللىق پارلاق نۇرىڭىزدا قان قىرىنداشتەك ئۆتەر.

…

************گېرمانچە************

Freude, schöner Götterfunken
Tochter aus Elysium,
Wir betreten feuertrunken,
Himmlische, dein Heiligtum!
Deine Zauber binden wieder
Was die Mode streng geteilt;
Alle Menschen werden Brüder,
Wo dein sanfter Flügel weilt.

**********خەنچە**************

欢乐女神圣洁美丽
灿烂光芒照大地！
我们心中充满热情
来到你的圣殿里！
你的力量能使人们
消除一切分歧，
在你光辉照耀下面
四海之内皆成兄弟。
********ئېنگىلىزچە**************
Joy, thou beauteous godly lighting,
Daughter of Elysium,
Fire drunken we are ent’ringHeavenly,
thy holy home!Thy enchantments bind together,
What did custom’s sword divide,
Beggars are a prince’s brother,
Where thy gentle wings abide.