باشقىلارغا ئېلىپ كېلىنگەن نەپ: يانبىلوگنىڭ تۈرتكىسىدە ئەمەلگە ئاشقان 60 مىڭ يۈەنلىك توختام

باشقىلارغا ئېلىپ كېلىنگەن نەپ: يانبىلوگنىڭ تۈرتكىسىدە ئەمەلگە ئاشقان 60 مىڭ يۈەنلىك توختام

باشقىلارغا ئېلىپ كېلىنگەن نەپ: يانبىلوگنىڭ تۈرتكىسىدە ئەمەلگە ئاشقان 60 مىڭ يۈەنلىك توختام

ۋاقتى: 2016-08-06 ئاۋاتلىقى: 12239 قېتىم

يانفوندا كۆرۈش

يانبىلوگنىڭ تۈرتكىسىدە ئەمەلگە ئاشقان 60 مىڭ يۈەنلىك توختام

ياسىنجان مەتروزى ئىلقۇت

بىلوگ يېزىش ھاياتىمنى 2008-يىللىرى باشلىغاندىن بۇيان، تالاي قېتىملاپ باشقىلارنىڭ «بىلوگ يېزىپ قانچىلىك پۇل تاپتىڭ؟»، «شۇنچە ۋاقتىڭنى ئىسراپ قىلىپ بىلوگ يازغانغا چۈشلۇق نېمە پايدا كۆردۈڭ؟»... دېگەندەك سوئاللىرىدىن مۇستەسنا بولالماي كەپتىمەن. نېمە دەي؟ ئادەمنىڭ قىممەت قارىشى، كىشىلىك قارىشى، دۇنيا قارىشى ئوخشىمىسا، شەيئىلەرگە بېرىدىغان باھاسىمۇ ئوخشىمايدىكەن.

مەن گەرچە بىلوگ يېزىپ، ھازىرغا كەلگەندە بولسا يانبىلوگ يېزىپ گەرچە بىۋاسىتە ئىقتىسادىي كىرىم ياراتمىغان بولساممۇ، ئەمما مېنىڭ يانبىلوگ يېزىشتىن ئالغان ھوزۇرۇم ۋە ئۇنىڭدىن ئېرىشكەن ۋاسىتىلىق مەنپەئەتلىرىمنى بەلكىم پۇل بىلەن سېتىۋالغىلى بولماسلىقى مۇمكىن. شۇڭا مەن ئاشۇنداق سوئال سورىغۇچىلارغا يولۇقسام، ئادەتتە كۈلۈپ قويۇپلا ئۇلاردىن ئەگىپ ئۆتۈپ كېتىمەن. ئارتۇقچە سۆزلەپ ئولتۇرۇشنىڭ ئۆزى بىھۇدە دەپ ھېسابلىغانلىقىم ئۈچۈنلا ئۇلار بىلەن بەك تالىشىپ ئولتۇرمايمەن.

يېقىندا بىر دوستىمىزدىن ئادەمنى تولىمۇ خۇشال قىلىدىغان بىر خەۋەرنى تاپشۇرىۋالدىم، ئۇ قېرىندىشىمىزنىڭ ئېيتىشىچە، ئۇ مېنىڭ تەۋسىيەرىم بىلەن يانبىلوگ يازغاندىن كېيىن، يېقىندا يانبىلوگنىڭ تۈرتكىسىدە بىر قېتىملىق سوممىسى 60 مىڭ يۈەندىن ئاشىدىغان توختامنى ئوڭۇشلۇق ئىمزالاپ، ئالدىن 30 مىڭ يۈەن نەقلەشتۈرۈلگەنلىكىنى ئۇقتۇم-دە، ئۇزۇندىن بىرى كېچە-كۈندۈز دېمەي ئىزدىنىپ، تەتقىق قىلىپ چىققان يانبىلوگنىڭ باشقىلارغا مەنپەئەت ئېلىپ كەلگەنلىكىنى بىلگەندىن كېيىن، ئۆزۈمچە خۇرسەن بولدۇم.

ئىشنىڭ جەريانى مۇنداق:
ئۇ دوستىمىز 2015-يىلى 5-ئايلاردا مەخسۇس كارخانىچىلىق مۇلازىمەت شىركىتى قۇرۇپ چىققان بولۇپ، 2015-يىلى 10-ئايغىچە ھېچقانداق ئىش باشلىيالماي ھەم ئىشنى قەيەردىن باشلاشنى بىلەلمەي تۇرۇپ قالغان. كېيىن بۇ دوستىمىز مېنى ئىزدەپ كېلىپ، ئۆزىنىڭ شىركىتىنى ئېلان-تەشۋىقات قىلىپ بېرىشىمنى (ئەلۋەتتە ھەقلىق ئېلان-تەشۋىقات) ۋە ئۇنىڭغا قانداق بازار ئېچىش ھەققىدە مەسلىھەم بېرىشىمنى ئېيتىپ كەپتۇ. مەن ئۇنىڭ شىركىتىنىڭ باشقا شىركەتلەردىن قانداق ئەۋزەللىكى بارلىقى ھەققىدە سوراپ بىلگەندىن كېيىن، ئۇلارنىڭ شىركىتىنىڭ باشقا كارخانىچىلىق مۇلازىمەت شىركەتلىرى بىلەن ئوخشىمايدىغان مۇنداق بىر قانچە ئارتۇقچىلىقىنىڭ بارلىقىنى ھېس قىلدىم:
(1) پاتنېت ھوقۇقىنى ئەنگە ئالدۇرۇش؛ (2) سودا ئۇچۇرلىرى مەسلىھەت بېرىش؛ (3) ھەر خىل يېمەكلىك زاۋۇتى قۇرۇش رەسمىيەتلىرىنى ۋاكالىتەن بېجىرىش (مەھسۇلاتقا QS بېجىرىش)؛ (4) سېخ لايىھەلەش؛ (5) ئۈسكۈنە كىرگۈزۈش؛ (6) ئىشلەپچىقىرىشنى ئۆلچەملەشتۈرۈش؛ (7) ھەر خىل كۈندىلىك تۇرمۇش بۇيۇملىرى زاۋۇتى قۇرۇش رەسمىيىتىنى بېجىرىش؛ (8) يېمەك-ئىچمەك ۋە سېتىش ئىجازەتنامىسى بېجىرىش؛ (9) ساغلاملىق مەھسۇلاتلىرى ئىجازەتنامىسى بېجىرىش؛ (10) داۋالاش سايمانلىرى ئىجازەتنامىسى بېجىرىش؛ (11) كارخانا يېمەكلىك ئىشلەپچىقىرىش ئىجازەتنامىسى بېجىرىش؛ (12) خەلقئارا سۈپەت باشقۇرۇش سىستېما ئىجازەتنامىسى ئىلتىماس قىلىش (ISO 9001)؛ (13) خەلقئارا يېمەكلىك بىخەتەرلىك باشقۇرۇش سىستېما ئىجازەتنامىسى ئىلتىماس قىلىش (ISO 22000)؛ (14) يېمەكلىك بىخەتەرلىك ئانالىزى ۋە لىمىت كونترول نۇقتىسى ئىجازەتنامىسى ئىلتىماس قىلىش (HACCP)؛ (15) يېشىل يېمەكلىك ئىجازەتنامىسى ئىلتىماس قىلىش؛ (16) ئورگانىك يېمەكلىك ئىجازەتنامىسى ئىلتىماس قىلىش؛ (17) مۇسۇلمانچە يېمەكلىك ئىجازەتنامىسى ئىلتىماس قىلىش؛ (18) ھالال يېمەكلىك ئىجازەتنامىسى ئىلتىماس قىلىش؛ (19) سىزىقلىق كود كىنىشكىسى ۋە سىزىقلىق كود ئىلتىماس قىلىش قاتارلىق مۇلازىمەتلەرنى تەمىنلەيدىغانلىقىدىن خەۋەر تاپقاندىن كېيىن، مەن ئۇلاردا باشقا مۇلازىمەت شىركەتلىرىگە قارىغاندا ئۆزگىچىلىك بارلىقىنى ھېس قىلدىم. ئۇلاردىكى ئۆزگىچىلىك ھەرگىزمۇ باشقا مۇلازىمەر شىركەتلىرىگە ئوخشاش ھەممىسى بىر ساھەگە ئېسىلىۋېلىشتىن، ئۆزگىچە يول ۋە يېڭىچە يول تۇتۇپ ماڭغانلىق ئىدى. (بۇ دوستىمىزنىڭ شىركەت يانبىلوگ ئادرېسى: http://dildost.yanbilog.com)
ئىشىنىمەنكى يۇقىرىقى مۇلازىمەتلەرنى تەمىنلەيدىغان مۇلازىمەت شىركەتلىرى تېخى دىيارىمىزدا ئاساسەن يوق دېيەرلىك، بۇنداق بولغان ئىكەن ئۇلار بۇ جەھەتتە بالدۇر ئىش باشلاپ، باشقىلارغا قارىغاندا مەلۇم دەرىجىدە تەجرىبە-ساۋاقلارغا ئىگە بولغان. ھەم يۇقىرىقى مۇلازىمەتلەرنىڭ كۆپىنچىسى تېخى نۇرغۇن شىركەتلەرگە نىسبەتەن يېڭىلىق ۋە كۆپ شىركەتلەر تېخى يۇقىرىقى ئىجازەتنامىلەرنى ئىلتىماس قىلىشتا ئىشنى نەدىن باشلاشنىمۇ تېخى تولۇق بىلىپ كەتمەيدۇ.
يۇقىرىقى ئەھۋاللاردىن خەۋەردار بولغاندىن كېيىن، مەن ئۇ دوستىمىزنى پۇل خەجلەپ ئېلان بېرىشتىن توسۇپ، ئۇنىڭغا ئەڭ ياخشىسى يانبىلوگ يېزىش تەكلىپىنى بەردىم. دەسلەپتە ئۇ مېنىڭ بۇ تەكلىپىمنى ئانچە چۈشەنمىدى، ھەمدە يانبىلوگ يېزىپ قانداقسىگە بازار ئاچقىلى بولىدىغانلىقىغا تازا كۆزى يەتمىدى. مەن ئۇنىڭغا يانبىلوگ يېزىش تەكلىپىنى بېرىشتىكى ئاساسىمنى ئوتتۇرىغا قويۇپ ئۆتكەندىن كېيىن، ئۇنىڭ كاللىسىدىن ئۆتتى ھەمدە خۇشاللىق بىلەن تەكلىپىمنى قوبۇل قىلىپ، دەرھال يانبىلوگ يېزىشقا تۇتۇش قىلدى.
مەن ئۇ دوستىمىزغا يانبىلوگنى قانداق يېزىش، قايسى جەھەتلەردە ئالاھىدە دىققەت قىلىش قاتارلىق بىر تۈرلۈك ئىشلاردىن مەسلىھەت بەرگەندىن كېيىن، ئۇ مېنىڭ تەكلىپىم بويىچە يانبىلوگ يېزىشقا باشلىدى. ھەمدە ئۇ يانبىلوگنىڭ كۈچلۈك تارقىلىشچان ئالاھىدىلىكىدىن پايدىلىنىپ ناھايىتى ئاسانلا 60 مىڭ يۈەنلىك چوڭ توختامغا ئوڭۇشلۇق ئىمزا قويۇش پۇرسىتىگە ئېرىشكەن. چۈنكى ئۇ تەمىنلەيدىغان مۇلازىمەت ئۇچۇرلىرى دەل يانبىلوگدا كەڭ تارقاپ، شۇ خىل ئېھتىياجى بار كىشىلەرگە دەل ۋاقتىدا يېتىپ بارالىغان.
مېنىڭ ئۇنىڭغا يانبىلوگ يېزىش تەكلىپىنى بېرىشتىكى ئاساسىم تۆۋەندىكىچە ئىدى:
بىرىنچى، بۈگۈنكى كۈندە ھەممە كىشى يانبىلوگ (بىلوگ) يېزىشنىڭ ۋاقتى ئۆتتى، ۋاقىت ئىسراپ قىلىپ يانبىلوگ يېزىشنىڭ ھېچقانداق ئەھمىيىتى يوق دەپ ئۆز مۇقامىنى توۋلاۋاتقاندا بولسا، بىر قىسىم شىركەتلەر ۋە قەلەم قۇۋۋىتى كۈچلۈك بولغان يازغۇچىلارغا نىسبەتەن يانبىلوگ يەنىلا ئەڭ ياخشى بولغان ئىنتېرنېتتا ئۆز مەۋجۇتلۇقىنى ساقلاشنىڭ ئاقىلانە تاللىشى بولالايتتى. يانبىلوگنىڭ شۇئارى: «تور دۇنياسىدىكى مەۋجۇتلۇقىڭىز يانبىلوگدا نامايەن بولغۇسى!» بولۇپ، يانبىلوگنىڭ ئارتۇقچىلىقى ئۆز ئىدىيەرىمىز ئارقىلىق تەتقىق قىلىپ چىقىلغان سىستېما بولۇپ، كومپيۇتېر ۋە يانفونغا ناھايىتى ياخشى ماسلاشتۇرۇلغان، بۈگۈنكىدەك كۆچمە ئالاقە ۋە كۆچمە ئىنتېرنېت تېز سۈرئەتتە تەرەققىي قىلىۋاتقان دەۋردە، يانبىلوگدىكى ئۇچۇرلارنىڭ تارقىلىشى تارىختىكى ھەر قانداق دەۋردىن تېز ھەم ئۈنۈملۈك بولىدۇ (بۇ جەھەتتە بىز ئېرىشكەن ئېنىق سان-سىفىرغا ئاساسەن شۇنداق دېيەلەيمىز)، يانبىلوگنىڭ ئەڭ يۇقىرى ئەۋزەللىكى ئۇنىڭ ۋىرۇسسىمان تارقىلىشى (病毒式传播)، ئېلان قىلىنغان يازمىلار ناھايىتى قىسقا ۋاقىت ئىچىدە ناھايىتى تېز تارقىلىپ، نۇرغۇن ئادەمنىڭ دىققىتىنى تارتىدۇ.
ئىككىنچىدىن، يانبىلوگنى تارقىتىش ۋە ھەمبەھرلىنىش قولايلىق بولۇپ، ئەگەر يانبىلوگقا پايدىلىنىش قىممىتى يۇقىرى ئۇچۇرلار يوللانسا، ئۇ ھالدا تورداشلار تەبئىيلا ياخشى ئۇچۇرلارنى ئەتراپىدىكى تونۇش-بىلىشلىرىگە تارقىتىدۇ ياكى ھەمبەھرلەيدۇ. بۇ خىل ئەۋزەللىك ھازىرقى تارقىتىش ۋاسىتىلىرىنىڭ ھېچقاسىسىدا يوق دېيەرلىك. بەلكىم بۇ يەردە تورداشلار ئۈندىدار سالونى بۇنىڭدىن ياخشى دېيىشى مۇمكىن، ئۈندىدار سالونىنى ئەلۋەتتە چەتكە قاقمايمىز، ئەمما ئۇزاق مۇددەتلىكنى كۆزدە تۇتقاندا يانبىلوگ ئۈندىدار سالونىدىن كۆپ ئارتۇقچىلىققا ئىگە. ئاساسلىقى تۆۋەندىكى بىر قانچە تەرەپتە گەۋدىلىنىدۇ:
(1) يانبىلوگ ئۈندىدار سالونىغا نسىبەتەن ئېيتقانداق تېخىمۇ جانلىقلىققا ئىگە. ئۈندىدار سالونىغا بۇلتۇر ياكى ئۇنىڭدىن بۇرۇن يوللانغان مەزمۇنلاردىن قايتا پايدىلىنىشقا توغرا كەلسە بۇ تولىمۇ ئاۋارىچىلىق ياكى ئاساسەن مۇمكىن بولماي قالىدۇ؛ ئەمما يانبىلوگدا بولسا، پۈتكۈل يانبىلوگ سىستېمىسىنىڭ ئىزدەش ماتورى، تەۋسىيەلەش ئىقتىدارى، جەۋھەرلەش ئىقتىدارى، يېڭىلاش ئىقتىدارى قاتارلىق بىر قاتار ئۈندىدار سالونىدا تېخى ھازىرلانمىغان ئىقتىدارلاردىن پايدىلىنىپ، پايدىلىق ئۇچۇرلاردىن پايدىلىنىش قىممىتىنى تېخىمۇ ئاشۇرغىلى بولىدۇ؛
(2) ئۈندىدار سالونىدىكى مەزمۇنلاردىن پايدىلىنىش ئۈچۈن چوقۇم شۇ ئۈندىدار سالونىغا ئەگىشىش كېرەك. ئەمما كۆپ ئەھۋالدا كىشىلەر ھەر خىل سەۋەبلەر تۈپەيلىدىن ئۈندىدار سالونىغا ئەگىشىشنى رەت قىلىدۇ ياكى بۇنىڭدىن بىزارلىق تۇيغۇسىدا بولىدۇ. ئەمما يانبىلوگ ئوچۇق سىستېما بولۇش سۈپىتى بىلەن ئۇنىڭدا ئېلان قىلىنغان يازمىلار ھەر ۋاقىت، ھەر جايدا ھەر قانداق شەخس ياكى ئورۇن پەقەت تور ئادرېسىنى كىرگۈزۈپلا ئۇنىڭدىكى ئۇچۇرلاردىن خالىغانچە پايدىلىنالايدۇ.
(3) يانبىلوگدىكى بىر قىسىم داۋاملىق تەتقىق قىلىپ ئىشقا كىرگۈزۈش ئالدىدا تۇرغان ئىقتىدارلار داۋاملىق تېخىمۇ كۆپ كىشىلەرنى يانبىلوگ ۋە ئۇنىڭغا باغلانغان ئۈندىدار سالونلىرىغا جەلپ قىلىپ، يانبىلوگ يازغۇچىسىغا مەيلى كۆرۈلۈش جەھەتتە بولسۇن ياكى ئۆز ئوقۇرمەنلىرى بىلەن پىكىر ئالماشتۇرۇش (يانبىلوگنىڭ باھا يېزىش ئىقتىدارىدىن پايدىلىنىپ) جەھەتتە بولسۇن، يانبىلوگ يازغۇچى ۋە ئوقۇرمەن ئوتتۇرىسىدا كۆۋرۈلۈك رول ئويناپ، ئۇلارنى ياخشى پىكىرلىشىش پۇرسىتىگە ئىگە قىلىپ، يانبىلوگ يازغۇچىغا ھەر جەھەتتىن زور ئىلھام ۋە ھەرىكەتلەندۈرگۈچى كۈچ ئاتا قىلىدۇ. ئەمما ئۈندىدار سالونىدا بولسا بۇ خىل ئىمكانىيەت ناھايىتى تۆۋەن ياكى يوق دېيەرلىك.
ئۈچىنچى، يانبىلوگ سىستېمىسى ئىلقۇت تور پەن-تېخنىكىسى قارمىقىدىكى 500 مىڭدىن ئارتۇق ئەزاسى بار ئۈندىدار سالونلىرى بىلەن ناھايىتى يۇقىرى تېخنىكىلىق ئۇسۇلدا بىر گەۋدىلەشتۈرۈلگەن بولۇپ، ئادەتتە تېخنىكا ۋە مۇلازىمېتىر كۈچىدىن پايدىلىنىپ، ھەر قانداق ئۈندىدار سالونىدىكى جانلىق ئەزالارغا بەلگىلىك ۋاقىتتا بىر قېتىم ئاپتوماتىك ئۇچۇر يوللاش ئىشقا ئاشۇرۇلغان بولغاچقا، بىر قىسىم پايدىلىنىش قىممىتى ئالاھىدە يۇقىرى يازمىلارنى ھەر ۋاقىت ئاكتىپ ئۇچۇر ھالىتىگە توغرىلاپ قويۇش ئارقىلىق، تېخىمۇ كۆپ كىشىلەرنىڭ كۆرۈپ پايدىلىنىشىغا سۇنغىلى بولىدۇ.
تۆتىنچى، يانبىلوگنى ھەر قانداق بىر شەخس ياكى ئورۇن ئۆزىنىڭ ئۈندىدار سالونى بىلەن باغلاپ، پۈتكۈل يانبىلوگ ساندانىدىكى نەچچە يۈز مىڭ پارچە يازما ئارقىلىق ئەگەشكۈچىلىرىنى زور ئۇچۇر مەنبەسى بىلەن تەمىن ئېتىپ، شۇ ئۈندىدار سالونىغا ئەگەشكەن ئەزالارنى ئۇچۇر مەنبەسىنىڭ كەمچىل بولۇشى ۋە باشقا سەۋەبلەر تۈپەيدىلىدىن ئېقىپ كېتىشنىڭ ئالدىنى ئالالايدۇ.
بەشىنچى، بىر قىسىم شىركەتلەر ئۆزىنىڭ يانبىلوگىنى قۇرۇپ، شىركەت مەھسۇلاتلىرى ۋە مۇلازىمەت تۈرلىرىنى يانبىلوگقا يېزىش ئارقىلىق، ئۆز شىركىتىنىڭ تەشۋىقات ئىشلىرىغا زور ئەۋزەللىك يارىتالايدۇ. ئەگەر بىر قىسىم قەلەم قۇۋۋىتى كۈچلۈك يازغۇچىلار يانبىلوگ يازسا، ئۇنىڭ ئوقۇرمەنلىرى كۆپىيىپ، تەسىر دائىرىسى ئاشقاندىن كېيىن، يانبىلوگ تەمىنلىگەن ئېلان ئىقتىدارى ئارقىلىق يانبىلوگىغا مۇۋاپىق مىقداردا بىر قىسىم شىركەت ياكى مەھسۇلاتلارنىڭ ئېلانلىرىنى ۋە ياكى ئۆزىنىڭ نەشردىن چىققان كىتابلىرى ياكى باشقا مەھسۇلاتلىرىنىڭ ئېلانىنى قويۇش ئارقىلىق ئازتولا ئىقتىسادى كىرىم يارىتالايدۇ. بۇ جەھەتتە ئەڭ بالدۇر بىلوگ يېزىپ ئىقتىسادىي كىرىم ياراتقۇچى ئۈچۈن 80 خالتا بىلوگىنىڭ قۇرغۇچىسىنى مىسال قىلىشىمىز مۇمكىن. نادىر يازمىلىرى ئارقىلىق يانبىلوگنى ياخشى يېزىپ، كۈچلۈك تەسىرچانلىققا ئىگە بولغاندا، ئۇنىڭغا مۇۋاپىق دەرىجىدە ئېلان قويۇش مەيلى شۇ يانبىلوگنىڭ سادىق ئوقۇرمەنلىرى بولسۇن ياكى شۇ يانبىلوگنى يېزىۋاتقان جاپاكەش بىلوگىرغا بولسۇن، بەلگىلىك دەرىجىدە ئىقتىسادىي كىرىم يارىتىشى تامامەن مۇمكىن.
ئالتىنچى، ھازىرقى يانبىلوگنىڭ مەيلى IP بولسۇن ياكى PV بولسۇن نەتىجىسى ھەر ھالدا ئادەمنى خۇرسەن قىلىدۇ. پىلاندا ئۇزاققا بارمىغان كەلگۈسىدە بىز يانبىلوگنىڭ كۈندىلىك IP نى 20 مىڭ ئەتراپىدا كونترول قىلساق (ھازىرقى نەتىجىلەردىن ئېلىپ ئېيتقاندا، بۇ سانغا يېتىشكە تامامەن ئىشەنچىمىز كامىل) ئۇ ھالدا يانبىلوگنىڭ كۈندىلىك PV سى 80 مىڭدىن 100 مىڭغىچە بولۇشىدا مەسىلە يوق. بۇ خىل ئەھۋالدا يانبىلوگنىڭ تەسىرى ۋە ئىجتىمائىي ئۈنۈمى شۇنىڭدەك يانبىلوگ يازغۇچىغا ئېلىپ كېلىدىغان مەنپەئەت جەھەتتە يانبىلوگ ھەر قانداق شەخسكە ۋەكىللىك قىلىدىغان تارقىتىش ۋاسىتىسى جەھەتتە مۇتلەق ئەۋزەللىككە ئىگە بولىدۇ. ھازىر يانبىلوگدىكى بىر قىسىم يازمىلارنىڭ كۆرۈلۈشى 60 مىڭ قېتىمدىن ئېشىپ كەتكەن. ئەرتۈرك يانبىلوگىدىكى بىر قىسىم ئەسەرلەرنىڭ يەككە يازمىدىكى كۆرۈلۈش قېتىم سانى 50 مىڭ قېتىمدىن ھالقىپ كەتتى. بۇ خىل زور كۆرۈلۈش قىممىتى ھەر قانداق بىر يانبىلوگ يازغۇچىغا زور ئىلھام ۋە ھەرىكەتلەندۈرگۈچى كۈچ ئاتا قىلىش بىلەن بىرگە ئۇنىڭغا كۈچلۈك بولغان نەتىجە تۇيغۇسى بېرىدۇ. ئۇ ۋاقىتتا بەلكىم سىزنىڭمۇ ئاشۇنداق نادىر يانبىلوگقا ئىگە بولۇپ قېلىش ئىستىكىڭىز كۈچىيىپ كېتىشى مۇمكىن.
شۇڭا، سۆزىمىزنى يىغىنچاقلىساق، يانبىلوگ يېزىش ھەر قانداق شەخس ۋە ئورۇنغا نىسبەتەن زور ئەھمىيەتكە ئىگە. بۇنى مەيلى تارىخ نۇقتىسىدىن چىقىپ ئويلىنايلى ياكى ئۇيغۇر تىل-يېزىقىنىڭ تەرەققىياتى نۇقتىسىدىن ئويلىنايلى ۋە ياكى ھاياتلىق مەناسىنى جۇلالاندۇرۇپ، ئىنتېرنېت دۇنياسىدا ئۆز مەۋجۇتلۇقىنى نامايەن قىلىش نۇقتىسدىن ئېيتايلى، يانبىلوگ يېزىشنىڭ قىممىتى ۋە ئەھمىيىتىگە قەتئىي سەل قاراشقا بولمايدۇ. سىزنىڭ ھازىردىن باشلاپ يانبىلوگ يېزىپ مېڭىشىڭىز بەلكىم يىراق بولمىغان كەلگۈسىدە سىزگە ئويلىمىغان مەنپەئەتلەرنى ئېلىپ كېلىشى مۇمكىن.

Tags: يانبىلوگ بىلوگ ئىقتىساد تىل-يېزىق

بايانات

مەزكۇر يانبىلوگقا قەلەم ساھىبى ياسىنجان مەتروزى ئىلقۇتنىڭ تۇرمۇش، خىزمەت، جەمئىيەت ھادىسىلىرى ھەققىدىكى تەپەككۇر يۇغۇرۇلمىلىرى يوللىنىدۇ، يازمىلىرىم تورداشلارغا ئازتولا مەنىۋىي ئوزۇق ئېلىپ كېلەلىسە مېنىڭ تارتقان جاپالىرىمنىڭ قىممىتىنى ھېس قىلغان بولىمەن.
يازمىلىرىمنى قالايمىقان ئۆزئالدىڭىزغا ئۆزگەرتىپ، مەنبەنى ئەسكەرتمەي كۆچۈرۈشتىن ساقلىنىڭ، ئەگەر شۇ خىل ئەھۋاللار كۆرۈلسە، بارلىق ئاقىۋەتكە شۇ ئادەم ئۆزى مەسئۇل!
ئىلقۇتجان ئۈندىدار سۇپىسى hezine غا ئەگىشىۋېلىپ تېخىمۇ نادىر يازمىلىرىمدىن ھەمبەھرلىنىڭ!

تەلەي قاپىقىدىن چىققان يازمىلار

باھالار: ئىسمىڭىز:

باھالار رېتى

ilqut.yanbilog.comئىلقۇت يازمىلىرى يانبىلوگى