ئانا تىل
نىجات سوپى
ئۆگەنگەنتىم ئانا تىل سېنى ئۇلۇغ ئانامدىن،
ئۆزى كەتتى، سەن قالدىڭ مىراس بولۇپ سەن ئاندىن،
سېنىڭ بىلەن ئايرىدىم ياخشىلارنى ياماندىن،
سېنىڭ بىلەن ئايرىدىم داننى يەنە ساماندىن،
ئۆچمەس چىراغ سەن، مەيلى كەلسە بوران قاياندىن.
ئۆتتى يىللار، ئەسىرلەر، سەن يەنىلا ياشنىدىڭ،
ئۇرغۇپ تۇردى ھەر زامان سېنىڭ باھار ياشلىقىڭ،
مەيلى ئەرەب، فارىسى يېتەلمىدى، تاشلىدىڭ،
موڭغۇل، مانجۇ، رۇسچىنى ئۆز يولىغا باشلىدىڭ،
ئىگەلمىدى قەددىڭنى، كەلگەن چاپقۇن ھەر ياندىن.
ئېنگىلىزچە ئاشسىمۇ قانچە قىتئە، ئوكياندىن،
ئانا تىلىم مەن ئۈچۈن قالماس كېيىن ئۇلاردىن،
سېنى ئۆتمەس دېگەنلەر يىراق تۇرسۇن گۇماندىن،
تازىلىسۇن پاك-پاكىز ئىشەنچىنى تۇماندىن،
ئۈمىدىنى چىڭىتسۇن باشلاپ بۈگۈن شۇ ئاندىن.
سەن كۈلىسەن ئەل بىلەن، ئەل يۈرىكى سەن بىلەن،
سەندىن مادار -كۈچ ئېلىپ ئىلگىرىلەيمىز پەن بىلەن،
سېنىڭدىن ۋاز كەچمەيمىز، بال بەرسىمۇ قەن بىلەن،
سېنى ھەردەم قوغدايمىز چوقۇم جانۇ تەن بىلەن،
يەتكۈزىمىز ئەۋلادقا ئۆتكۈزۈپ كۆپ زاماندىن
2014-يىلى 2-ئاينىڭ 21-كۈنى، ئۈرۈمچى.
ئالىمجان يۈسۈپ بىلەن بىللە يازغان بولۇپ، شىنجاڭ خەلق نەشرىياتى تەرىپىدىن 2004-يىلى 12-ئايدا نەشر قىلىنغان «تۇنجى ئەسىرىم» ناملىق توپلامغا كىرگۈزۈلگەن. ئەسلىمىدە مەرھۇم ئۇستازىمىز خالىق نىياز (1946-2004) مۇئەللىمنىڭ ئىز-ئىزلىرى خاتىرىلەنگەن. ئۇنىڭ رايونىمىزدا تەربىيىلەنگەن تۇنجى ئەۋلات ماگىستېر ئاسپىرانتلاردىن ئىكەنلىكى (1979-يىلىدىن 1981-يىلىغىچە)، شۇنىڭدەك شىنجاڭ ئۇنىۋېرسىتېتىدا ئىلىگەن مەگىلىدىكى ئىلمىي تەتقىقات ۋە ئوقۇتۇش خىزمىتىدىكى نەتىجىلىرى خاتىرىلەنگەن. ئۇنىڭ «تىلشۇناسلىق ئاساسلىرى»، «فونېتىكا ۋە تىل تەكشۈرۈش»، «تىلشۇناسلىقتىن ئومۇمىي بايان»، «ئۇيغۇر تىلىدىن ئاساس»، «ھازىرقى زامان ئۇيغۇر تىلىدىن كونسۇلتاتسىيە» قاتارلىق ئىلمىي ئەسەرلىرى بار.
قۇربانتاي تۇرسۇن ھەققىدىكى زىيارەت خاتىرىسىدىن ئىبارەت بولۇپ، «ئىلى دەرياسى» ژۇرنىلىنىڭ 2013-يىللىق 1-سانىغا بېسىلغان. خاتىرىدە بىر ياش رەسسامنىڭ ئۆسۈپ يېتىلىش ھايات يولى تونۇشتۇرۇلىدۇ.
مېنىڭ «سۆيگۈ» ناملىق شېئىرلار توپلىمىمنىڭ تېكىست قىسمىدۇر. بۇ توپلام 100 پارچىدىن ئارتۇق مۇھەببەت لېرىكىسىدىن تەشكىل تاپقان بولۇپ، شېئىرلارنىڭ كۆپىنچىسى 20-ئەسىرنىڭ 80-يىللىرىنىڭ كېيىنكى يېرىمىدا بېزىلغان.