ئىجتىھاتلىق تىل ئوقۇتقۇچىسى، پېشقەدەم مائارىپچى رازاق مەتنىياز ئەپەندى 1941-يىلى توقسۇن ناھىيىسىدە تۇغۇلغان. 1965-يىلى شىنجاڭ پېداگوگىكا ئىنىستىتۇتىدا خىزمەتكە چىققان. كېيىنچە شىنجاڭ ئۇنىۋېرسىتېتىغا يۆتكەلگەن. ئۇ ئالىي مەكتەپتە ئاساسلىقى باشقا مىللەت ئوقۇغۇچىلىرىغا ئۇيغۇر تىلى ئوقۇتۇش ۋە لوگىكا ئوقۇتۇشى بىلەن شۇغۇللانغان. «ئۇيغۇر تىلىدىن ئاساس»، «ئۇيغۇر تىلى ئەمەلىي گىرامماتىكىسى»، «ئۇيغۇر تىلى ئوقۇشلۇقى»، «ئۇيغۇر تىلى كۆرۈش، ئاڭلاش، سۆزلەش ئوقۇشلۇقى» قاتارلىق دەرسلىكلەرنى يالغۇز ياكى باشقىلار بىلەن بىرلىكتە تۈزۈپ، خەنزۇ ئوقۇغۇچىلارغا ئۇيغۇر تىلى ئوقۇتۇش خىزمىتىنى دەرسلىك بىلەن تەمىنلىگەن. «ئومۇمىي لوگىكا» دەرسلىكىنى تۈزۈپ نەشر قىلدۇرغان.
بۇ يەردىن چۈشۈرۈڭ

ئاتاقلىق تەرجىمان، ئىجتىھاتلىق مۇھەررىر نۇرمۇھەممەد دۆلەتى ئەپەندى 1936-يىلى غۇلجا ناھىيىسىدە تۇغۇلغان. 1953-يىلى تەرجىمانلىق خىزمىتىنى باشلىغان. 1956-يىلىدىن باشلاپ بېيجىڭدا مەركىزىي مىللەتلەر تەرجىمە ئىدارىسىدە ئىشلىگەن. كېيىن مىللەتلەر نەشرىياتىدا ئىشلىگەن. 1984-يىلى شىنجاڭغا يۆتكىلىپ كېلىپ، ئاپتونوم رايونلۇق خەلق قۇرۇلتىيى ۋە تەزكىرە كومىتېتى قاتارلىق ئورۇنلاردا ئىشلىگەن. ئۇ چىڭگىز ئايتماتوۋنىڭ «جەمىلە»، «سەرۋى قامەتلىك دىلبىرىم»، «يەر ئانا»، «بىرىنچى مۇئەللىم» پوۋېستلىرىنى. «ئەسىردىن ھالقىغان بىر كۈن»، «تاغلار» غۇلىغاندا ناملىق رومانلىرىنى تەرجىمە قىلغان. «تەۋرات قىسسىلىرى»، «ئىنجىل قىسسىلىرى»، «تارىمدىكى قارا قۇياش» قاتارلىق 100 دىن ئارتۇق ھېكايىنى تەرجىمە قىلغان. نۇرغۇن كىنو فىلىملەرنى تەرجىمە قىلغان. ماھىنۇر قاسىمىنىڭ «ئەخمەتجاننى ئەسلەيمەن» ناملىق ئەسىرىنىڭ خەنزۇچە ۋە ئۇيغۇرچىسىنى يورۇقلۇققا چىقىرىش ئۈچۈن كۆپ ئەجىر قىلدى. «ئۇيغۇرلارنىڭ ئىسىم-فامىلە مەسىلىسى توغرىسىدا» ناملىق ماقالىلارنى يازغان.
بۇ يەردىن چۈشۈرۈڭ.

ئاتاقلىق تەرجىمان، ئىجتىھاتلىق مۇھەررىر، تەتقىقاتچى خوجائەخمەت يۇنۇس ئەپەندى 1937-يىلى غۇلجا شەھرىدە تۇغۇلغان. 1960-يىلىدىن 1991-يىلىغىچە «ئىلى گېزىتى» دە ئىشلىگەن. 1991-يىلى ئاپتونوم رايونلۇق تەزكىرە كومىتېتىنىڭ تەرجىمە-تەھرىر باشقارمىسىغا يۆتكىلىپ كەلگەن. ئۇنىڭ تەرجىمە ئەسەرلىرىدىن «چاڭ-توزان بېسىققاندا»، «ئىسلاھاتچىلار»، «ئائىلىدىكى ئىشلار»، «بېيپىڭ تېنچلىق سۆھبىتى»، «گارسىيەگە ئەۋەتىلگەن خەت»، «ئاتا ۋەسىيىتى» قاتارلىق نۇرغۇن رومان، پوۋېست، ھېكايىلەر بار. «ئۇيغۇر كىلاسسىك ەئدەبىياتىدىن قىسقىچە سۆزلۈك» نى باشقىلار بىلەن بىرلىكتە تۈزگەن، «تىل، تەرجىمە ۋە ئاتالغۇلار توغرىسىدا»، «گۈلشەن ۋادىدا ئىزلار»، «مۇھاكىمە ئۈنچىلىرى» ناملىق تەتقىقات كىتابلىرىنى نەشر قىلدۇرغان. «ئۇيغۇر خەلق چۆچەكلىرى، ماقال-تەمسىللىرى، چۆچەكلىك تېپىشماقلاردىن توپلاپ، رەتلەپ بىر نەچچە توپلام نەشر قىلدۇرغان.
بۇ يەردىن چۈشۈرۈڭ

ئىقتىدارلىق ئەدەبىي تەرجىمان، ئىجتىھاتلىق ژۇرنالىست غوپۇر قادىر ئەپەندى 1949-يىلى ۇترپاندا تۇغۇلغان. 1978-يىلىدىن باشلاپ «ئەدەبىي تەرجىمىلەر»، «شىنجاڭ نوپۇس گېزىتى» قاتارلىق ژۇرناللاردا ئىشلىگەن. ھەر خىل ژۇرناللاردا 2000 دىن ئارتۇق ھېكايە، پوۋست قاتارلىق ئەدەبىي ئەسەرلەرنى تەرجىمە قىلغان. بۇنىڭ ئىچىدە «ستولىستىكىدىكى سىرلىق ئەنزە»، «ئىشەنچ»، سۈبھىدىكى ماتەم مۇراسىمى» قاتارلىقلار بار. «رامبو»، «سەھەر قۇشلىرى»، «چوڭ كىراۋۇس ۋە كىچىل كىراۋۇس» قاتارلىق 70 دىن ئارتۇق كىنو-فىلىمنى تەرجىمە قىلغان.
بۇ يەردىن چۈشۈرۈڭ.

پېشقەدەم تىل-يېزىق خادىمى، تىلشۇناس، تەرجىمان تاھىرجان مۇھەممەد 1940-يىلى قەشقەر پەيزىۋات ناھىيىسىدە تۇغۇلغان. 1960-يىلىدىن 1965-يىلىغىچە بېيجىڭ ئۇنىۋېرسىتېتىدا ئوقۇغان. ئىلگىرى-كېيىن بولۇپ «شىنجاڭ مائارىپى» ژۇرنىلى، شىنجاڭ مىللەتلەر تىل-يېزىق كومىتېتى، شىنجاڭ ئىجتىمائىي پەنلەر ئاكادىمىيىسى تىل تەتقىاقت ئىنىستىتۇتى، «شىنجاڭ ئىجتىمائىي پەنلەر تەتقىقاتى» ژۇرنىلى قاتارلىق ئورۇنلاردا ئىشلىگەن. ئۇنىڭ «ئۇيغۇر تىل مەدەنىيىتىگە ئائىت ماقالىلار توپلىمى» قاتالرىق كىتابلىرى نەشر قىلىنغان. «شىنجاڭ قەشقەر ۋىلايىتىنىڭ شەيخىل كەنتىدىكى بىر قىسىم ئاھالە قوللىنىدىغان سۆزلۈك» قاتارلىق تەتقىقات تېمىلىرىنى ئىشلىگەن. «دىۋانۇ لۇغەتىت تۈرك»نىڭ خەنزۇچە نۇسخىسىنى ئىشلىگەن. «خەنزۇچە-ئۇيغۇرچە شىنجاڭ يەر ناملىرى قوللنامىسى» قاتارلىق بىر قىسىم كىتابلارنى تۈزگەن.
بۇ يەردىن چۈشۈرۈڭ